Шалушкада – спорт зал бла футбол майдан

Бу элде универсал спорт залны эмда футбол ойнаргъа жараулу майданны къурулушлары барады, деп билдиргендиле КъМР-ни Къурулуш эмда ЖКХ министерствосундан. Шёндю биринчи объектни къабыргъаларын кирпич бла къалай турадыла, дагъыда башын жабадыла эмда жылыуну тутарча тийишли материалла бла тышлайдыла. Специалистле анда баскетбол, волейбол эмда теннис ойнарча майданчыкъны мурдорун да жарашдырадыла.

Проектине кёре спорткомплекс эки къатлы боллукъду. Аны ёлчеми 1200 квадрат метрден уллуду. Ичинде универсал спорт, тренажёр эмда теннис залла, медицина эмда тренерлени кабинетлери, кийим алышыргъа эмда жууунургъа бёлюмле да къураллыкъдыла. Къысхасы: спорт тутушуу эмда бокс бла кюреширча бар онгла боллукъдула анда.

Къурулуш ишле «Эл тийрелени комплекс халда айнытыу» къырал программаны чеклеринде барадыла. Анга КъМР-ни Тынгылы къурулуш управлениясы кёз-къулакъ болады.