Къабарты-Малкъар Республиканы Башчысы К.В. Коковну Жаш тёлюню кюню бла алгъышлауу

Хурметли шуёхла!  Битеу жюрегимден сизни Жаш тёлюню кюню бла алгъышлайма!

Жашлыкъ – сейир эм аламат кезиудю, ачыкълауланы эм муратланы, ышаныуланы эм жетишимлени заманыды. Шёндюгюлю жаш тёлюню жангы чыгъармачылыкъ къолайы, муратларына жетерге итиниую эм патриотлугъу, Ата журтну игилигине деп къолайлыгъын жашауда толу хайырланыуу энчилейди.

Бизде Къабарты-Малкъарда керти да аламат жаш тёлю барды. Сиз илмуда, маданиятда, чыгъармачылыкъда, спортда жангы бийикликлени аласыз, социал магъаналы башламчылыкъланы бардырасыз.

Бизни жаш тёлюбюзню келечилери энчи аскер операцияны ал сатырларында жигитлеча сермешедиле, Россейни къоркъуусузлугъун бла жалынчакъсызлыгъын къоруулай. Биз аланы хар бири бла да ёхтемленебиз, битеу жаш тёлюбюз бла ол санда, эм толу ийнанабыз: сиз бизни ышаныуларыбызны алдарыкъ тюйюлсюз.

Бюгюнлюкде къыралыбызда эм республикада кесигизни жеригизни табаргъа, башха-башха бёлюмледе профессионал бийикликлеге жетерге себеплик этген сейир проектле, майданла кёпден кёп болуп барадыла. Аллыгъызда болгъан битеу онгланы толусунлай хайырланыгъыз, фахмугъузну бла хунеригизни жашауда кёргюзтюгюз.

Къайсы бийикликни да алыргъа кючюгюз жетеригине ийнанама.
Битеу жюрегимден сизге саулукъ-эсенлик, ёхтемлик, ёз Къабарты-Малкъарны бла Ата журтубузну игиликлерине деп салгъан битеу муратларыгъызны толурларын тежейме