Солууну игилендирир ючюн алыннган тазир

Къабарты-Малкъарны Курортла эм туризм министерствосундан билдиргенлерича, регионлагъа 2025 жылны 1 январындан башлап солуу объектле бла хайырланыу ючюн ахча жыяргъа эркинлик берилликди. Алай бла тюшген файдагъа инфраструктура жангыртыллыкъды, жангы паркла, жаяу неда аякъ машиналада жюрюгенлеге жолчукъла, фонтанла ишленирикдиле. Аны юсюнден законодательствогъа Экономиканы айнытыу министерство тюзетиуле жарашдыра турады. Бусагъатда жарау халда быллай тазир Кърымда, Алтай, Краснодар эм Ставрополь крайлада, Санкт-Петербургда эм «Сириус» федерал майданда алынады.

Алай бла законнга кёре белгиленеди:

- башда сагъынылгъан сынамны битеу регионлада бардырыргъа, анга кёре, ахча къонакъ юйде отоу ючюн тазир къонакъ юйден алынырыкъды, туристни кесинден угъай;

- турист тазирни жыяргъа неда жыймазгъа оноуну субъектле кеслери этерикдиле;

- солугъанлагъа аз кезиуде аны азайтыргъа жарарыкъды.

Турист тазир кёп къыраллада алынады, Россейде ол къонакъ юйде бир отоу ючюн бир кюннге 65 сом боллукъду. Жолоучула эм сюйген 30 къырал бла тенглешдирде, бу тарих эм азладан бириди.