Жараугъа – битеу юйюр блаКъабарты-Малкъарны Спорт министерствосундан билдиргенлерине кёре, республика «Зарядкаланы марафону» спорт акциягъа къошулгъанды. Ол «Россей» кёрмюч-форумну чегинде къуралгъанды. Нальчикде ол «Гладиатор» спорт араны аллында ётгенди. Анга 250-ден аслам жаш спортчу къатышханды. Жарауну уа Олимпиада оюнланы спорт гимнастикадан эки кере призёру Елена Продунова, каратени киокушинкай тюрлюсюнден дунияны биринчилигини эки кере призёру Аппаланы Акъболат бла Европаны эркин тутушуудан биринчилигинде хорлагъан Ахмед Шокумов бардыргъандыла. Ала кеслерини сынамларындан да хапар айтхандыла. Сора, Нальчикде, Сабийлени къоруулауну эм Велосипедчини кюнлерине аталып, юйюр велопробег болгъанды. Саулай юйюрле велосипедледе шахарны орамлары бла баргъандыла, аланы жоллары «Спартак» стадионда башланнганды. Акциягъа къатышханланы барысына да эсде къалырча саугъала берилгендиле.
Поделиться:
Читать также:
29.11.2024 - 12:25 →
Гитчиликлерин кёргюзтгендиле
18.11.2024 - 09:56 →
Жаш гёжефлеге – ахшы сынам
13.11.2024 - 13:40 →
Эм кючлю гёжефле тутушхандыла
13.11.2024 - 13:30 →
Черек районну келечилеринде – аслам майдал
05.11.2024 - 13:57 →
Ючюсюнде да - майдалла
| ||
