Ыразылыкъларын билдиргендиле

«Донецкде жаз башы-2024» атлы студентлени лингворусистика жаны бла илму ишлерини эришиулерини жюрисини къауумунда жетишимли ишлегени ючюн КъМКъУ-ну орус тил эмда битеулю  тил билим кафедрасыны башчысы Башийланы  Светланагъа Донецкни къырал университетини башчыларыны атындан Ыразылыкъ къагъыт берилгенди.

Конкурс ДГУ-ну филология факультетини бла Москваны къырал университетини бирикген башламчылыкълары бла бардырылады. Ол кеси да студентлени интеллект эмда илму жаны бла тириликлерин айнытыргъа себеплик этген къыйматлы майданнга саналады. Анга къатышханла тил билимни бусагъатдагъы  жарсыуларыны юслеринден айтып, теорияны, энчи амалланы, тинтиу ишни  бардырыуну эмда жазыуну жорукъларын билгенлерин да ачыкълайдыла.