Бир кереге берилген пособие къалай тергеледи

2024 жылны аллындан башлап Россейни Социал фондуну регионда бёлюмю 38 мингден аслам сабийни ата-анасына эм баладан ауурлулукълары болгъан 2,4 минг тиширыугъа бир кереге бериулиучю пособияны тёлегенди. Ол мурат бла 3,3 миллиард сом бёлюннгенди.

 Социал фонд пособияны бу тюрлюсюн социал казначейство халда тёлейди, анга кёре ата-аналагъа аны алыр ючюн жангызда къырал жумушланы порталыны юсю бла заявление берирге керекди. Къалгъан шартланы  ведомствола аралы байламлыкъланы чегинде фонд кеси алады эм сюзеди. 

  Бусагъатдагъы жорукълагъа тийишлиликде, баладан ауурлулукълары болгъан тиширыулагъа бир кереге берилиучю пособияны ёлчеми регионда ишлерге онглары болгъан адамлагъа жашау этерге керекли ахчаны эм аз ёлчемине кёре тергеледи эм быллай бир болургъа боллукъду:

 - 50 процент – айгъа 9 011,50 сом;

- 45 процент – айгъа 13 517,25 сом;

- 100 процент – айгъа 18 023 сом.

Онжети жыллары толмагъан сабийлери болгъан юйюрлеге да ол, регионда жашау этерге керекли ахчаны эм аз ёлчемине кёре саналып, болады:

- 50 процент – айгъа 8 720 сом;

- 75 процент – айгъа 13 080 сом;

- 100 процент – айгъа 17 440 сом.

Фондну регионда бёлюмюню башчысы Николай Баков эсгертгенича, быйыл бир пособияны тохташдырыуда талай тюрлениу кийирилгенди. Юлгюге, аны тергегенде юйюрню файдасында тергелмеген кезиуле аслам болгъандыла. Кеслерин иш бла жалчытхан ата-анала бу пособияны жылгъа файдалары иш хакъны эм гитче эки ёлчеминден аслам эсе алаллыкъдыла. «Биринчи июньдан а алиментлени эсеплеуде да тюрлениуле боллукъдула. Эр киши бла тиширыу бир бирден айырылгъанда алиментлени сюд тохташдыра эсе, ала битеулю файданы санына кирликдиле. Аланы ёлчеми эр киши бла тиширыу кеслерини келишимлерине кёре тергелсе уа, заявленияда жазылгъан ахча саналлыкъды, алай ол Юйюр кодексде белгиленнген гарантияладан аз болмазгъа керекди», - дегенди ол.

Пособие онеки айгъа тохташдырылады. Ол болжал бошалгъандан сора юйюрню файдасы жангыдан тергелликди, ата-ананы ишлегенлерине бла къалгъанларына, бир жерде урунмай эселе, аны сылтауууна кёре чыгъарыллыкъды. Аны жангыдан алыуну юсюнден заявленияны болжал бошалгъан айда неда андан сора берирге боллукъду. 

 Бютюн толу информацияны фондну регионда арасына ишчи кюнледе сёлешип алыргъа боллукъду, аны номери: 8-800-200-06-70. Бу телефоннга сёлешиу хакъсызды.