Умутландыргъан жетишимле

Киров шахарда   шёндюгю пятиборьеден  Россейни  регионла аралы биринчилиги ётгенди.  Эришиуге къыралны онжети регионундан беш жюзге жууукъ спортчу къатышханды. Анда  Къабарты-Малкъарны  командасы  биринчи жерге чыкъгъанды. Аны къауумуна  2012-2013 жыллада туугъан Хочуланы Тамерлан, Влад Остриков, Тимур Хакулов киргендиле.

Дагъыда 2014-2015  жыллада  туугъан Хочуланы Дамирден, Захар Иванцовдан, Александр Гавришден къуралгъан команда да хорлам болдургъанды.

Ючюнчю жерге Ботталаны Дамир,  Дамир Арсаев,  Александр Блажко  тийишли болгъандыла.

Энчи зачётда  Влад Остриков бла Захар Иванцов биринчи жерге чыкъгъандыла, «кюмюш» Тимур Хакуловха бла Александр Гавришге, «доммакъ» да Хочуланы Дамирге жетгенди.

Жашланы  спортну устасы Игорь Зенин, Виталий Корзилов эмда Владимир Теппер юйретедиле.