Оюн халда сынаула

Къабарты-Малкъар къырал университетни бийик билим бериуню халкъла аралы школунда орус тилден олимпиада бардырылгъанды. Анда орус тилге къалай юйреннгенлерин Палестинадан сабийле да кёргюзтгендиле.

Республиканы Курортла эм туризм министерствосундан билдиргенлерича, палестиначы  сабийле бла сынамлы устазла юч айдан аслам заманны ишлейдиле. Ала жыл санларына кёре эки къауумгъа юлешиннгендиле, хар бирине онушар адам киредиле. Таматаларына дерслени тыш къыраллы студентлеге орус тилден бла битеулю билим бериу дисциплиналадан кафедраны доценти Атабийланы Любовь Хызыровна бергенди, кичи къауумгъа уа – сагъынылгъан кафедраны доценти Кокова Эмма Ладиновна.

  Олимпиадада кёп сейир конкурсла  къуралгъандыла. Аны поэзия эм «Мен орус тилни билеме» деген кезиулеринде сабийле сагъыш этерге керек болгъандыла, айтымлада халатла табаргъа тюшгенди.