Къачхынчылагъа къайгъыра

Республикада Палестинадан келип тургъан жаш адамла Славян жазыуну бла маданиятны кюнюне аталгъан жарыкъландырыу ишлеге къатышхандыла, деп билдиредиле Курортла эм туризм министерстводан. 

Тюбешиуню Миллетлени ишлери эм жамауат проектле жаны бла министерство Т.К. Мальбахов атлы миллет китапхананы болушлугъу бла къурагъанды. Аны мураты орус тилни, миллетле аралы сёлешиуню тилича, сакълау болгъанды, анга къырал власть органланы, Парламентни, жамауат эм дин организацияланы келечилери да къатышхандыла. Ала байрамны тарыхыны, орус тилни сакълауну магъанасыны юсюнден айтхандыла, жыйылгъанланы кеслерини ёз тиллерин бла маданиятларын сакъларгъа чакъыргъандыла. «Альтернатива» юлгюлю чыгъармачылыкъ къауумдан сабийле уа орус тилни юсюнден назмула окъугъандыла. Ашхананы ишчилери сейир кёрмюч къурагъандыла эм аз санда сакъланнган литератураны кёргюзтгендиле. Байрам эсде къалырча уа къонакълагъа орус классиклени китапларын саугъагъа бергендиле. 

Палестинадан къачхынчыла республикада тургъанлы жарым жылдан атлагъанды. Курортла эм туризм министерство аланы «Нальчик» курортну санаторийлеринде жашар жерле эм азыкъ бла жалчытады. Сора ала бизде социал жашаугъа къошулурча, иш табарча да себеплик этеди.