Маданият

Къулийланы  Къайсын атлы Малкъар  къырал драма театрда «Орайда! Келин келеди!» деген спектакльни премьерасы болгъанды. Режиссёру – КъМР-ни искусстволарыны сыйлы ишчиси Атмырзаланы Магомет. Давид Клдиашвилини «Ёге ана Саманишвили» деген повестине кёре спектакльле кёп театрлада кёргюзтюлгендиле, малкъар тилде уа биринчи кере салыннганды, текстни да Атмырзаланы Магомет  жарашдыргъанды. Арсарсыз айтыргъа боллукъду: бу оюн Малкъар театрны кючюн, анда кёп фахмулу адамла ишлегенлерин энтта да бир кере кёргюзтгенди.

Акъсакъал танг аласы бла тенг туркп, арбазгъа чыкъды, эки къолун кюннге узатды. Сора узакъ аламгъа кёз къарамын бурду да, дунияны жаратхан, кёп жылладан бери кюнню жарыгъын анга кёргюзтюп тургъан сыйлы Аллахха баш уруп, шукур, ыспас этди, махтау берди.

  Халкъыбызны бир-бир уста адамларыны къол ызларыны байлыгъы болмагъанча сейирге къалдырады. Хунерликни бла фахмулукъну Аллах алагъа бир уллу саугъаныча, халкъларыны атын айтдырырча бергенине мен, нек эсе да, бек ийнанама. Бизни ынналарыбызны асламы да къолдан уста эдиле.

Бу кюнледе КъМР-ни халкъ поэти закий Къайсын дуниядан кетгенли 40 жыл толгъанды. Аны бла байламлы биз поэтни жашаууна, чыгъармачылыгъына энтта да бир къайтабыз, назмуларын эсгеребиз, окъуйбуз. 

Бир танышыма тюбеп, ушакъ эте келгенимде, ол,  художник -Аналаны Омурбекни жашы  Муратны таныймыса, деп сорады. Атын эшитгенме, таныгъан а этмейме, дегенимде аны юсюнден кёп сейирлик хапар айтханды. Эки жыл мындан алгъа Москвада  «Альперт» галереяда аны суратларыны энчи кёрмючю ачылгъаныны юсюнден да билдиргенди. Андан сора Муратны суратларын табып къарайма, кеси бла да  ушакъ этеме.

Ючюнчю июньда Музыка театр толгъан эди: «Ива» симфонияны Мариинский театрда премьерасыны видео кёргюзтюую  болгъанды. Таулу композитор, КъМР-ни искусстволарыны сыйлы къуллукъчусу  Малкъондуланы Махмудну жашы Ахматны  симфониясы  жаланда Россейде угъай, битеу да жер башында бек белгили театрладан биринде согъулгъаны  миллетибизни ёхтемлендиргенди.

Жаникаланы Эльдарны ауазы бусагъатда таукелди, ол сахнада кесин тийишлисича  жюрютеди. Аны «Аманат», «Ёмюрлени теренинден», «Мени къанатлы атым», «Мен юйюме къайтханма», дагъыда  башха  жырларын бла клиплерин а  жаланда бизни республикада угъай, андан тышында жашагъан кёпле жаратадыла.

Къазахстанда аты айтылгъан жазыучу, жамауат-политика къуллукъчу, «Абай» халкъла аралы клубну президенти, «Аманат» литература журналны  советини председатели, профессор Роллан  Сейсенбаев закий Къулийланы Къайсынны хурметине 2017 жылда Къазахстанда Семей шахарда «Умели люди сеять хлеб» деген китапны чыгъаргъанды.

Буруннгу малкъар адетлерибизден бирлери кете, бирлери унутула барадыла, бирлери уа бюгюн-бюгече да жашап турадыла. Алгъын жыллада бизни хурметли эгечибиз Улбашланы Саният аланы юсюнден жазып билдирген эди, халкъда жюрюгенлерин, кеси кёргенлерин, билгенлерин, эшитгенлерин да ол санда. Аланы бир къауумун эсгерип, бюгюннгю номерибизде бамалайбыз, ол да аланы сакъланыуларына бир себеп болур деген ышаныу бла.

 Бу кюнледе Нальчикде республиканы Маданият фондунда   сейирлик тюбешиу болгъанды.  Аны ишине жаш поэтле  Алан Романов, Дарья Шомахова, Марина Мазуренко эмда  жазыу ишде биринчи атламларын эте  башлагъан школчу жашла бла къызла  кътышхандыла.