Экономика

Шимал Кавказда гитче эмда орта предприятияла, РФ-ни МСП Корпорациясыны болушлугъу бла быйылны биринчи жарымында 5,76 миллиард сом кредит алгъандыла. Озгъан жылны ол кезиую бла тенглешдиргенде, ёсюм алты процент болгъанды, дегендиле КъМР-ни Экономиканы айнытыу министерствосунда.

Кёп болмай«Россети Северный Кавказ» - «Каббалкэнерго» биригиуню бёлюмюню таматасы   Резуан Загаштоковну башчылыгъы бла балансла комиссияны ишчи  кенгеши болгъанды. Анда  быйыл алты айгъа абонентлени  89,1 проценти ток ючюн  4,3 миллиард сом тёлегенлерин билдиргендиле. 

Ахчаны бизни къыралда эки тюрлюсю барды. Биринчиси къолдан къолгъа берилген къагъыт неда темир, экинчиси уа аны счётлада неда банк карточкалада сакъланнган сомладыла. Эшитген эсегиз, энди аланы юсюне энтта да бир жангысын къошаргъа дейдиле – цифралы сомну.

МСП.РФ цифралы платформаны хайырланыучула быйылны ал жарымында регионлада бизнесге себеплик этиу амалланы излеп 35,5 минг  тилек бергендиле. Аланы асламысында маркетинг жумушлагъа, аз ёлчемли кредитлеге, билимге эмда консультациялагъа сейирлери бар эди, дегендиле

Бюгюнлюкде Къабарты-Малкъар Республикада социал предпринимательство бёлюмде 24 гитче эмда орта предприятие ишлейдиле. Аланы асламысы билим бериуде, саулукъ сакълауда, спорт сферада къармашадыла. Ахыр юч жылны ичинде аланы саны 50 процентге кёбейгенди, деп билдиргендиле республиканы Экономиканы айнытыу министерствосундан.

Сагъынылгъан къауумгъа кирген предпринимательлени бары да социал бизнес даражагъа тийишли болгъандыла, кеслери да регионну аллай предприятияларыны тизмесине киредиле. Кёбюсю 35-50 жыл санлы энчи предпринимательледиле.

Бизни къыралда къойчулукъгъа бегирек да Шимал Кавказда магъана берилгени себепли къой этни ючден бирин бу округда чыгъаргъанлары да сейир тюйюлдю.

Гитче эмда орта предпринимательство Корпорацияны (МСП) билдириуюне кёре, быйылны аллындан башлап бу кюнлеге дери, саулай къыралда эл мюлк бёлюмде ишлерин бардыргъан предпринимательлени саны 4,5 мингнге асламыракъ болуп, 192 мингнге жетгенди. 

Былтыр саулай Россейде статистикагъа къарагъанда, кёп къалмай 38 минг гитче эмда орта предприятие ишлерин айнытып, уллуракъ биригиулени санына къошулгъандыла. Тенглешдирип айтханда, буруннгу жыл аланы саны 28,5 минг эди. 

Тюрлю-тюрлю сейирли шартла эмда жумушла бла байламлы жолоучулукъла Россейни регионларында туризмни алгъа тюртюп барадыла. Сёз ючюн, къонакълагъа Къабарты-Малкъар бу жайда бек бай маданият эмда аш-азыкъ программаларын хазырлагъанды. 

Бизни республикада жай кезиуде тахта кёгетлени жыйыу иш биринчиден жашил къудорудан башланады. Алай бла бу кюнледе аны заманы жетгенди, деп билдиргендиле КъМР-ни Эл мюлк министерствосундан.

Къудоруну жыйып, сабанладан тюзюнлей консерва заводлагъа ашырадыла. Бюгюнлюкде республикада аллай алтысы ишлейди. Ала бу кезиуге тынгылы хазырланнгандыла, кеслери да къысха заманны ичинде 13 миллион условный банка продукция да чыгъаргъандыла.