Саулукъ

Редакциягъа ол неда бу кырдыкны, хансны, терекни аты тауча къалай боллукъду, аланы атларын ана тилибизде чыкъгъан газетни бетлеринде басмалай турсагъыз бек ахшы иш этерик эдигиз, деп сёлешедиле. Къауум жыл мындан алгъа, тилеклени толтура, газетни баш редакторуну алгъыннгы орунбасары Аппайланы Музафар (жаннетли болсун) талай битимни тауча атларын эм аланы хайырлылыкъларын, орус тилде чыкъгъан китапдан ана тилибизге кёчюрюп, газетде басмаланнган эди. Энди уа адамла аланы газетни электрон тюрлюсюнде да окъурча амал этгенбиз.

Америкалы алимле тохташдыргъаннга кёре, жукъуну жетишмегени гриппге къажау дарманны жараусуз этеди.

Саулукъгъа жарагъан битимлени бир къауумуну юсюнден сизге билдирирге сюебиз.

Саусузну жокълауда хар миллетни кесини жорукълары бардыла. Алай больницаны излемлерин унутургъа жарамайды. Да сора экисин да къалай келишдирирге боллукъду? Аны юсюнден психолог Муртазланы Фаризат бла ушакъ бардыргъанбыз.

Жай кезиуню сюймеген баям, киши болмаз. Ол тюрлю-тюрлю кёгетле бла  наныкъла бишген эм табийгъатда солурча аламат  заманды. Болсада бир тюрлю сылтау бла аллергия къозгъалса,  адамны онгун алады.  Анга битимлени букъусу, къурт-къумурсха къапса, кюн къыздырса, хауа кирленсе эм тыш къыралладан келтирилген кёгетле да себеплик этерчадыла.

Сыртны бош къынгырлыгъын бла аны аурууну хатасындан бузулгъанын бир бирлеринден айыра билирге керекди. Аны юсюнден врач Холамханланы Халимат бла ушакъ этгенбиз.

Кюн тюбюнде къызып,  адамны эси азмазча,  аллындан окъуна тийишли мадар этерге керекди. Хауаны иссилиги 32 градусдан атласа уа,  бютюнда сакъ болургъа!

Бек элгендирген аурууладан бирлери гепатитледиле. Алай биз аланы юслеринден хазна зат билмейбиз. Баям, билимсизлигибиз ючюн къоркъа болурбуз. Бюгюн гепатитлени юслеринден КъМР- ни инфекция ауруулагъа эм СПИД-ге къажау араны алтынчы бёлюмюню башчысы, врач-гепатолог Аппайланы Шамил айтады. 

Жай айла, жылы кюнледен сора да, татлы кёгетле бла да къууандырадыла. Ала витаминлеге байдыла, саулукъгъа игидиле. Болсада  аланы ашагъанда ууланмазча, талай жорукъну уа унутмазгъа керекди. Аланы юслеринден бизге врач-инфекционист Кульчаланы Залина айтханды.

Тырныауузда поликлиниканы мекямыны тынгылы ремонту къыстау барады. Быллай жумуш къыркъ эки жылны ичинде биринчи кере «Узакъ эм тири жашау» деген миллет проектни чегинде саулукъ сакълауну биринчи звеносун жангыртыу - регион программагъа кёре бардырылады.

  Къурулушчула терезе жанларыны блокларын алышхандыла. Мекямны ичинде  кетериллик, жангыдан  къаланырыкъ ишлени толтура турадыла. Дагъыда мекямны тышын жангыртыу бла  ичинде этиллик  жумушланы  да къолгъа алгъандыла.