Саулукъ

Керекмиди къоркъургъа онкология аурууладан? Хау, ала жайыла барадыла, алай аны бла бирге, кёп саусузла диагнозларын билгенден сора багъылып,  жашау бардырадыла.  КъМР-ни онкодиспансерини хирургия бёлюмюню онкологу Жашууланы Асланнга  бусагъатдагъы  болумну юсюнден бир талай соруу бергенбиз.

Медицинада анестезиология бёлюм эм къыйыннга саналады. Врачла кеслери уа, аны алайлыгъын черте, «эм бийик пилотаж» деген тенглешдириуню хайырланыучудула.

Битеудуния саулукъ сакълау организацияны (ВОЗ) башламчылыгъы бла, хар жыл сайын 24 мартда битеу къыраллада, ол санда Россей Федерацияда да, туберкулёзгъа къажау кюрешни битеудуния кюню бардырылады.

Кёплени оюмларына кёре, вегетарианство кёп болмай къуралып, адамла уа аны бир аламат зат сунуп, аны ючюн кюрешедиле. Алай тарыхха къарасанг, ол да дунияда адам улу жашагъандан бери кесини энчи жерин алгъанлай келеди.

Харкюнлюк ашыбыз алгъын тёлюленикича тюйюлдю. Кюн сайын конфетле, пломбир, татлы суула…Сёз ючюн, кофени кёпле пломбир бла ичедиле. Аны айтханым: хар кюнден ансыз болмайдыла. Аны бла бирге сабийлени асламысы лиманадны суу орунуна хайырланыргъа юйреннгендиле. Алай пломбир да, лимонад да саулукъгъа игимидиле? 

Хауа болумланы терк тюрлениулери эм иммунитетни къарыусузлугъу саусузланы  бютюнда кёп этеди. Жауун тюбюнде салкъынлыкъсыз айлансагъыз, аякъларыгъызны жибитсегиз, автобусну сакълап, сууукъ шинтикде къауум  заманны  олтурсагъыз, сёзсюз, сизге жаз башы ауруула терк окъуна жабышырыкъдыла.

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы болмагъан организацияланы (НКО) араларында байламлыкъла тохташдырыуну юсюнден айтылгъанды.

 Нальчикде  Аллергия арагъа отуз жыл болгъанды. Анга жораланып «Иммунитетлери къарыусуз саусузланы багъыуну жангы амаллары деген 4-чю илму-практика  конференция ётгенди. Анга Шимал-Кавказ федерал округну  аллергологлары бла иммунологлары къатышхандыла. 
 

Кеслерини билимлерин, заманларын да аямай, адамлагъа, аланы сабийлерине, жууукъ-ахлуларына болушлукъларын тийдирип тургъан врачларыбыз асламдыла, къудуретни ахшылыгъындан. Медицина илмуланы кандидаты, республикалы сабий клиника больницаны консультация-диагностика поликлиникасыны башчысы, невролог Улбашланы Асият да аллайларыбыздан бириди.

Кёп болмай Дмитриий Рогачев атлы Сабий гематология, онкология эм иммунология миллет медицина тинтиу араны специалистлери Нальчикде болгъандыла. Къонакъла эм биринчи Республикалы сабий кёп профильли клиника араны жокълагъандыла.  Аны кезиуюнде службаны иши бла шагъырейленнгендиле-гематология бла онкология саусузлагъа къалай багъылгъанына эс бургъандыла.