Календарь событий

Нальчик шахарны генерал Зокаланы Валерий атлы 8-чи номерли школунда жангы окъуу жылны башланнганы, хар замандача, къууанчлы халда баргъанды. Жыйылыуну школну директору   Геккиланы Далхатны къызы Шерегова Зарема ачханды. Ол ары келген къонакъланы, ата-аналаны, окъуучуланы Билимни кюню, Къабарты-Малкъарны къыраллыгъыны кюню, Нальчик шахарны кюню бла, жангы окъуу жылны башланнганы бла да алгъышлагъанды.

Хасанияны 16-чы номерли  мектебинде   окъургъа  быйыл биринчи классха элли жашчыкъ бла къызчыкъ келгендиле, 11-чиге уа - 34 адам. Бюгюн ала мектепни майданында ёхтем сюеледиле. Хар бирини да бетлери жарыкъды.

Къууанчлы линейка РФ-ни эмда КъМР-ни байракъларын кётюрюу эмда  гимнлерин эшитдириу бла башланады.    Окъуучуланы, устазланы, ата-аналаны да директорну къуллугъун толтургъан Жарашууланы Эльмира  алгъышлагъанды. Ата-аналаны жашларын бла къызларын  бу мектепге бергенлерине  сокъуранмазларына ышандыргъанды, мында устазланы  кючлю  къаууму ишлегенин  чертгенди.

Эллерибизни тарыхларыны юсюнден билдириулени газетни сайтында басмалай туруучубуз.  Бюгюн   Чегем тарына кире башлагъан жерде орналгъан Хушто-Сыртны юсюнденди хапарыбыз.             

Къабарты-Малкъарда солугъанланы къоркъуусузлукъларын жалчытыугъа, регионда туризмни айнытыугъа аталып жыйылыу болгъанды, анда билдириулени Следствие комитетни, МЧС-ни, МВД-ны республикада бёлюмлерини, Курортла эм туризм министерствону келечилери этгендиле.

Бюгюнлюкде  "Узакъ ёмюр эм тири жашау бардырыу" миллет проектге кёре  Къабарты-Малкъарда поликлиникала жангы  эндоскопия стойкала бла жалчытылыннгандыла, деп билдиргендиле КъМР-ни Саулукъ сакълау министерствосундан.

Сууукъ шорпа (окрошка) жылы кюнледе кёпле сюйген азыкъды: жемишле битип, тынч жарашдырылады. Суусаплыкъны, ачлыкъны да кетереди. Алай анга къошулгъан затла саулукъгъа иги, хаталы да болургъа боллукъдула.

Къабарты-Малкъарда аллергия бла  ауруугъанланы асламысы амброзияны букъусундан къыйналадыла. Жыл сайын аланы санына эки минг чакълы адам  къошула баргъаны да къайгъы этдиреди.    Аллергияны терк жайыла баргъаныны сылтаууну,  анга диагностика бардырыуну эм  багъыу амалланы юсюнден да КъМР-ни Саулукъ сакълау министерствосуну штатда болмагъан баш  специалисти – аллерголог-иммунолог, медицина илмуланы доктору, профессор, аллергиягъа бакъгъан араны баш врачы Мадина Шогенова хапарлагъанды.   

Жангы окъуу жыл башланырны аллында полициячыла Къабарты-Малкъарда школ автобусланы тинтедиле. Аллай жумушладан бири бу кюнледе Басхан районда тамамланнганды, деп билдиргендиле КъМР-де МВД-ны пресс-службасындан.

МВД-ны Май районда бёлюмюню келечилери, автоинспекторла бла бирге Майский шахарда Гагарин атлы орамда бара тургъан «Лада Гранта» улоуну тыйгъандыла. Аны ичинде олтургъанладан бири ары дери да жазагъа тартыла тургъан ол жерли 38-жыллыкъ киши эди.

Нальчик шахарны алтынчы номерли школу быйыл жангыртылгъандан сора ачылгъанды. Бу мектепде бир талай предметлени терен окъуйдула, шахарчыла бери сабийлерин сюйюп келтиредиле. Быйыл биринчи сентябрьге школну башын жангыдан жапхандыла, тышын  да жангыртхандыла. Дагъыда инженер ызланы да алышындыргъандыла.

Геляхланы Асланбекни жашы Исхакъ 1917 жылда Холамда туугъан эди. 1934 жылдан 1938 жылгъа дери Нальчик шахарны устазла хазырлаучу училищесинде окъугъанды. Аны тауусуп, Бызынгы элини школунда башланнган классланы устазы болуп тургъанды. 1940 жылда Къызыл Аскерни сатырларында къуллукъ этерге атланады.