Календарь событий

Шабат кюн Нальчикде чаришни сюйгенлеге аламат спорт байрам ётерикди. Ипподромда 3 кюнню ичинде республиканы айтхылыкъ атчы къауумлары кеси араларында 13 саугъа ючюн эриширикдиле. 

Быйылны аллындан башлап республикабыздан энчи аскер операциягъа къатышхан 103 ветеран Россейни Социал фондуну реабилитация араларында багъылгъандыла, деп билдиредиле фондну регионда бёлюмюню пресс-службасындан.
 

2026 жылны аллындан башлап республикабыздан 11 мингден аслам инсан урунуу китапларын электрон халда алыргъа заявленияланы толтургъандыла, алай бла бу амал кийирилгенли аны бла 56 150 ишчи хайырланнгандыла.
 

Бу айны онунчусунда Россейде жангыртылгъан 100-сомлукъ къагъыт ахча жюрюп башлагъанды. Ол Ара федерал округга жораланады, дегендиле РФ-ни Ара Банкында.

Озгъан  окъуу  жылда Къабарты-Малкъарда жылы аш бла хакъсыз халда биринчи-тёртюнчю класслагъа жюрюгенлени барысын да – 46 214 адамны – жалчытхандыла. Мектепледе аш-азыкъ бла жалчытыуну къураугъа 632,8 миллиондан кёп къоратылгъанды. Ырысхыны асламысы – федерал, къалгъаны уа республикалы эмда жер-жерли бюджетледен бёлюннгенди.