Календарь событий

Бу кюнледе Чегемни физкультура-саулукъну кючлеу арасында аскер самбодан регионла аралы эришиу бардырылгъанды. Анга округну субъектлеринден умутландыргъан  спортчуланы иги кесеги  къатышхандыла. 

Арт жыллада халкъыбызны буруннгулу адет-тёрелерин сакълаугъа уллу эс бурулады. Аланы жангыртыу, аланы юслеринден ёсюп келген тёлюлеге билдириу да бек магъаналыды. Нек дегенде адам туугъан жерини тарыхын, эрттеден келген тёрелени, маданиятын да билсе, аланы багъалы кёрюп, сюйюп башлайды. Аны къой, башха миллетлеге да сейири къозгъалады. Ма аны эсге алып, Кёнделенни китапханасында ишлегенле туугъан журтубузну тарыхын, адет-тёрелерин, маданиятын бла  адабиятын окъуучулагъа жетдириуню, жаш тёлюню алагъа сейирлерин къозгъауну кеслерини баш борчларындан бирине санайдыла.

Профессионал жырчы Беппайланы Сергейни (1935-2012 жж.) репертуарында эки жюз бла элли жыр барды, аланы бир къаууму малкъар халкъ жырладыла. Жарсыугъа, ёмюрлени теренинден тёлюден тёлюге кёчген, атлары белгисиз фахмулу халкъ жырчыла сакълагъан жырла шёндюгю жашауда унутула барадыла. Беппайланы Сергей миллет музыка маданиятыбызны сакълаугъа уллу къыйын салгъанды, аны бла бирге ол жырлагъан жангы эстрада жырланы таулула, къабартылыла, оруслула эм башха миллетлиле жырлагъандыла. Бийик, ариу тауланы араларында жашагъан таулула музыканы бек терен сезген, сюйген миллетдиле: бу шарт Беппайланы Сергейде энчи ачыкъланнганды. 

Сюйдюмланы Исмайыл аскерге Уллу Ата журт уруш башланырны аллында чакъырылгъан эди. Ол Карелиягъа тюшгенди. Анда уа  бийик-тау элде - Шыкъыда - туугъан эмда лыжаланы къарап да кёрмеген жашха алада учаргъа юйренирге тюшгенди.  Бетни кюйдюрген сууукълукъгъа да къарамай, юйрениуле бир кюнню да тохтамай эдиле. Аскерчиле аланы лыжалада учаргъа алай къадалып нек юйретгенлерин ангылай эдиле: Финляндия бла уруш  бара эди.      

Озгъан айны ахыр кюнлеринде Дагъыстанда «Цифралы Кавказ» деген экинчи форум ётгенди. Анга СКФО-дан эмда бизни къыралны жангы регионларындан жюзден артыкъ журналист, блогер, аналитик, медиаэксперт къатышхандыла. Ол санда Къабарты-Малкъардан «Заман», «КБП» газетлени, «РИА КБР» агентствону, телевиденияны келечилери да.