Календарь событий

Нальчикни полициячыларына тиширыу хайлачыладан тарыгъып келгенди. Ол билдиргенича, аны телефонуна биреу сёлешип, Роскомнадзорну къуллукъчусума деп,   Госуслуги порталда болгъан шартлары аманлыкъчыланы къолларына тюшгенлерин айтханды. 

Бу кюнледе «ЮВТ АЭРО» авиакомпания «Къазан-Нальчик-Сочи» деген тюзюнлей рейсни ачханды. 50 олтурур жери болгъан хауа кеме ыйыкъгъа эки кере - бараз бла шабат кюнледе -  учарыкъды.

Бу кюнледе Элбрус тау-лыжа курортда «Къарабаши» станцияны къатында 3912 метр бийикликде чыккырлагъа неда самолётлагъа ушагъан къонакъ юйлени «Cosmos Эльбрус Липрус Лагерь» комплекси ачылгъанды. 

Кёп болмай  «Билим бериуню айнытыу» къырал программагъа кёре,  Жанхотияны садигине тынгылы ремонт этип башлагъандыла, деп билдиргендиле Басхан районну администрациясындан.   

Нальчикде  Музыка театрда  Россейни бек белгили  Мариин  эм Уллу  театрларыны  артистлери симфония чыгъармаладан  концерт бергендиле. Ол жыйырма бешинчи юбилей Пасха фестивальны чеклеринде бардырылгъанды.