Календарь событий

Къабарты-Малкъарны ара шахарында жоллада къоркъуусузлукъну жалчытыу бла байламлы тохтамай ишле бардырыладыла, орамлада транспорт инфраструктура игилендириледи эм тийишли мардалагъа келтириледи, деп айтылады КъМР-ни Башчысыны Администрациясыны MAX-да каналында.

Къабарты-Малкъарда «Жашау этерча инфраструктура» миллет проектге кирген «Коммунал инфраструктураны жангыртыу» федерал программагъа кёре  2025-2027 жыллада ичер суу бла жалчытырыкъ 36 объект ишленирикди неда жангыртыллыкъды. 

Шимал-Кавказны статистика управлениясындан билдиргенлерича, быйыл биринчи кварталда Къабарты-Малкъарда промышленный производствода ахшы  ёсюм эсленеди. Сёз ючюн, былтыр бу заман бла тенглешдиргенде, ол 9,3 процентге кёпдю.

Сосновский атлы балдыргъан (борщевик) бизни жанларыбызда эм къоркъуулу уулу хансладан бирине саналады. Ол кеси да адамны ахшы умут бла башланнган ишини ахыры аман бла бошалгъаныны юлгюсюдю. Бу материалда биз аны юсюнден толуракъ хапар айтайыкъ.

Эрттеги жазыуларымда табылгъан бу таурух бла жасалгъан сейир хапар ата-бабаларыбызны юслеринденди. Хапарчыла уа – элими сыйлы адамлары. Муну хатерни, халаллыкъны, ниет тазалыкъны, Бир Аллахха къуллукъ этиуню да юлгюсю Тёппеланы Салахны жашы Исмайыл жазгъанды. Анда айтылгъан малкъар адамына тийишли къылыкъ хунер халкъыбызны эсинде къалырын сюйюп, бюгюн аны туурагъа чыгъарама.

Багъалы окъуучуларыбыз!

 «Заман» миллетибизни жангыз газетиди. Ол халкъны къыраллыгъын кёргюзтген бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

Кеслерини кёп ёмюрлю тарыхларында тюрклюлени, бирси халкъланыча, жамуатны жарау этиу эм спорт оюнла жаны бла юйретген бай тёрелери къуралгъандыла, ала аланы битеу социал-экономика кезиуледен да тас этмегенлей ётдюралгъандыла.

Шёндю кюн сайын бизни къыралда адамланы жашауларыны ёмюрлери узая баргъаныны юсюнден тюрлю-тюрлю билдириуле басмалана турадыла. Аланы асламысына ийнаныргъа боллукъду, нек дегенде, жашау керти да тынч, ауур, саулкъгъа заран келтирлик иш бла кюрешгенле аз, медицина уа айныйдан-айный барады. Аны бла байламлы уллу ауруулары болмагъан инсан жюз жылдан иги да аслам жашаргъа боллукъду, дейдиле саулукъ сакълау бла кюрешген россейли специалистле. Ол кертимиди, огъесе башха оюмла бармыдыла деген соруулагъа жууапла излей, Интернетде эмда медицина журналлада тапхан билдириулени беребиз. 

Кёп болмай Къабарты-Малкъар къырал аграр университетде «Энергетиканы бийиклери: тамблагъы жангычылыкълагъа атлам» деген чакъырым бла жаш тёлю илму-практика конференция болгъанды. Анга «Каббалкэнерго» биригиуню таматасыны биринчи орунбасары эм баш инженери Алибек Яганов, «Россети Северный Кавказ» биригиуню корпоратив социал политика жаны бла баш специалисти Дарья Маркова