Календарь событий

Айтхылы тепсеучю, балетмейстер эм хореограф Улбашланы Мутай уллу сахнагъа биринчи атламларын кёчгюнчюлюкге дери окъуна этип башлагъан эди. Орта Азиядан къайтып келгенден сора жюреги тартхан усталыкъгъа жаны бла берилгенди. 

Белгилисича, таулу халкъны Беш тау жамауаты болгъанды: Бахсан, Малкъар, Бызынгы, Холам эм Чегем. Аны бла байламлы Чегемни юсюнден философия илмуланы кандидаты, «Ассия» фондну таматасы Жангоразланы Мухаммат жарашдырып ийген материалны газетни сайтында басмалайбыз.

Бардыла аллай устала, ала жаланда кеси чыкъгъан миллетни угъай, саулай дунияны инсанлары болгъан. Аладан бириди деменгили орус суратчы Илья Репин. Аны чыгъармаларына онтогъузунчу ёмюрню энциклопедиялары дейдиле. Кёп жылла озгъандан сора да, аны Россейде аты айтылгъанлай турады.

«Газпром газораспределение Нальчик» компаниядан билдиргенлерине кёре, фатарда неда юйде орнатылгъан газ оборудованиягъа план бла къарау жумушну тындырыргъа келген инсанла хыйлачыла болургъа боллукъдула. Алагъа алданмаз ючюн аланы керти специалистден айыра билирге керекди.

Арт жыллада хар къайда да  хар неге да фахмулары, усталыкълары болгъан  сабийлени ёсдюрюуге, юйретиуге аслам эс бурулады. Ол  ёсюп келген, сюеги алыкъа къатмагъан балагъа керекмиди, огъесе аны сабийлигинми алады. 

Тырныауузда алтынны къазып эм магъаданны  жарашдырып башлауну проектине 50 миллиард сом къоратыллыкъды, деп билдиргендиле республиканы Башчысыны администрациясында.

«Жашаугъа 10 000 атлам» деген Битеуроссей акциягъа Элбрус район да къатышханды. Аны мураты тири жашау бардырыуну хайыры бла ауруулагъа къажау турууду, саулукълу жашау этиудю.

Совет власть тохташхандан сора элледе ара мюлкле къуралдыла. Алада ишлерге специалистле керек эдиле. Ол заманлада къыралда тиширыуланы тракторчулагъа окъутургъа чакъырыу да бар эди. Хутуйланы Зулкъаны къызы Халимат, курсланы бошап, 1939 жылда туугъан эли Яникойда колхозда ишлеп тебирейди.