Календарь событий

Къоншу миллетлени жазыучуларыны юслеринден айта, газет окъуучуларыбызны аланы чыгъармалары бла шагъырей эте турабыз. Арада байламлыкъ жюрютюрге, башха халкъланы культуралары, адет-тёрелери, тарыхлары, бюгюннгю жашаулары бла шагъырей болургъа ол уллу себепликди. Бюгюннгю къонагъыбыз Шимал Осетияны лирикалы поэтлеринден бири, къара сёзню устасы, публицист, кёчюрмечи Энвер Хохоевди.

Кёп болмай КъМР-ни Транспорт эмда жол мюлк министри  Аслан Дышеков Регионнга оноу этиу арада (ЦУР) тюзюнлей эфирде ведомствону ишини юсюнден хапарлагъанды эм  жамауатны жарсытхан соруулагъа да жууапла бергенди.

2 февральда Россейде аскер махтаулукъну кюню белгиленеди. Байрам 1943 жылда совет аскерле  Сталинград ючюн къазауатда фашистлени жокъ этгенлерине аталып тохташдырылгъанды.  Бу сермешни биринчи бёлюмю 1942 жылда 17 июльдан 18 ноябрьге дери баргъанды. Шахар душмандан 1943 жылда 2 февральда эркин этилгенди. 

Бауурну циррозу  къыйын аурууладан бириди. Ол багъыламыды, багъылмаймыды? Аны юсюнден терапевт Алийланы Темирлан бла ушакъ этгенбиз.

Кёп болмай Къабарты-Малкъар къырал университетни биология, геоэкология эм жанлы системаланы молекуляр-генетика мурдорлары жаны бла кафедрасыны экологу эм доценти Аубекир Хатухов палеонтология жаны бла жетишимлерин ачыкълагъанды.

Малкъар халкъда хант тепси хычинсиз болмагъанды. Алай хар тёреге неда байрамгъа энчи хычин этгендиле. Орам бла ётюп баргъан адам хычин ийис чыкъгъан юйге къайтмай къалмагъанды. Сёз ючюн, юй бийче къонакъгъа чакъырса: «Кел, хычинле бла сыйлайым», - деучю эди. 

Кёп болмай  Москвада "Конгресс-центрде" Къырал эм муниципал жумушланы тамамлагъан араланы   IX битеуроссей форумлары болгъанды.  Ол РФ-ни Экономиканы айнытыу министерствосу бла Москваны  Правительствосу къурап бардырылгъанды. 

Кёп болмай Къабарты-Малкъарны Регионнга оноу этиу арасына (ЦУР) социал сетьледе кюн сайын былайтын жюрюген водительле Нальчик – Майский жолда кече жарыкъ болурча бир мадар этилирин айтып тарыкъгъандыла.  Ала билдиргеннге кёре, трассаны бир-бир жерлеринде чыракъла кюйюп  неда сынып жанмайдыла, ингирде уа аны хатасындан  жунчургъа тюшеди. Болсада  алайлагъа чыракъла салырча онг табылса,  бек иги боллугъун жазгъандыла. 

Бу кюнледе  Черек  районда «Эл жерлени комплекс халда айнытыу» федерал программагъа кёре  12,7 километр чакълы бирде уллу  басымы бла суу  баргъан магистраль быргъыны тартып кюрешедиле. Аны хайыры бла  Къашхатауда, Аушигерде эм Бабугентде  жашагъан онбеш мингден артыкъ  адамны  ичер суу бла сылтаусуз этерге онг табыллыкъды, деп билдириледи  Черек районну администрациясыны пресс-службасындан.