Календарь событий

Черек районда 12,7 километр узунлугъу болгъан, эллени суу бла жалчытхан ызны тартып бошагъандыла. Аны хайыры бла Къашхатау, Бабугент бла Аушигер элле суу бла тутхучлу жалчытылыннгандыла.

Элбрус районну артистлери фахмулары бла республикадан тышында да белгилидиле. Атмырзаланы Жанна аладан бириди. Ол академиялы жанрны артистиди. Талай заманны Москвада ишлеп тургъанды. Бюгюнлюкде районда Къулийланы Къайсын атлы Маданият юйде «Элли устаз» программагъа кёре ишлеп башлагъанды. Бюгюн ол бизни къонагъыбызды.

«Локомотивге» быйылны биринчи эришиулерини – «Casablanka African Open 2026» - эсеплери чыгъарылгъандыла, анга 48 къыралдан 380-ден аслам спортчу къатышхан эдиле.

Былтыр «Россети Северный Кавказ» - «Каббалкэнерго» биригиу тёлемегенле борчларын  жабарча   арбитраж эм башха сюдлеге  1,2 миллиард сом багъасына  4 769 иск бергенди. Андан 1,17  миллиард организациялагъа эм 30,4 миллион сом да  энчи иелилеге жетеди.

27 январьда Къабарты-Малкъар къырал университетде Ленинград нацистлени къуршоуларындан азатланнганлы 82-жыллыгъына жораланып «Блокаданы ётмеги» деген  акция бардырылгъанды.

Чегем ауузунда битеу къыралгъа белгили чучхурлагъа жетгинчи орналгъан  эл малкъар халкъ кёчгюнчюлюкден къайтхандан сора къуралгъан эллерибизденди. 

Жыл сайын Россейде онжетинчи январьда  Артистни кюню белгиленирикди. Ол къырал байрамланы санына 2025 жылда киргенди. Нальчикде ТЮЗ (Жаш къараучуну театры) Артистни кюнюне атап, Ачыкъ эшиклени кюнюн бардыргъанды.

КъМР-ни Башчысы Казбек Коковну оноуу бла Къабарты-Малкъарны окъуу юйлеринде агроклассла ачылгъандыла. Бу огъурлу иш «Агропромышленный комплексде кадрла» деген федерал проектни юсю бла «Аш - азыкъ къоркъуусузлукъну технология жаны бла жалчытыу» деген проектни чеклеринде къуралгъанды.

Бизни къыралда былтыр «Юйюр» деген миллет проект башланнганды. Къабарты-Малкъар Республика да ол башламчылыкъны дурус кёрюп, анга къатышыргъа оноу этгенди. Алай бла келир жылны ахырына дери юч муниципалитетде школгъа дери билим берген бирер мекям ишленирикди, деп билдиргендиле республиканы Къурулуш эмда ЖКХ министерствосундан.

Адамны талай тюрлю пенсия алыргъа эркинлиги болса, анга аладан жаланда бирин тёлейдиле. Алай бир-бирледе уа инсан эки тюрлю пенсия алыргъа боллукъду - аллай онглары талай категориялада барды. Ол санда аскер къазауатлагъа къатышхан кезиуде сакъат болгъанлада, ауушхан аскерчилени юйдегилеринде, аскерчи пенсиячылада, дегендиле Къабарты-Малкъарда МФЦ-да.