Календарь событий

Россей дарман сууладан бла хансладан байды. Аланы барысын да  МГУ-ну география факультетини алимлери  Орус география обществону  билеклиги бла «Дарман суула бла хансла» деген Россейни медико-география атласына жыйгъан эдиле бир талай жыл мындан алгъа. 

Газетибиз бла шуёхлукъну эрттеден бери да жюрютгенле асламдыла. Аладан бириди Беккиланы Омар да. Аны журтубузну айбат, тамашалыкъ жерлерибизни юслеринден жазгъан хапарларын окъуучуларыбыз, биз кесибиз да сюйюп окъуйбуз. Нек дегенде алада кесинг да жолоучулукъгъа чыкъгъанча, ол автор айтхан затланы барысын да ёз кёзлеринг бла кёргенча боласа. Бу жол да  сизни аны кезиулю хапары бла шагъырей этерге сюебиз.

Солуу неда байрам кюнде иш бериучюле инсаннга къуллугъун толтурургъа буюрургъа эркинмидиле? Бу статьяда аны ангылатыргъа сюебиз.

Нальчикде биринчи модуль китапханада «Энчи клубха» жюрюгенлени тюбешиулери болгъанды. Ол  санларында къыяулары болгъан сабийлени аналарын, аталарын, алагъа уллу кёллюлюк этмеген адамланы бирикдиреди. Ала бла тюбешиуге бу жол  КъМР-де «Биринчилени атламлары»   регион бёлюмню председатели Аслан Шипшев, бёлюмде ишлеген башхала да келгендиле.

Къонакъгъа баргъан жерде суратлагъа къараргъа да тюшеди да, аладан бир эрттегилисин алама да, анга энчи эс буруп къарайма. Жашаулу адам, бетин да мудахлыкъ басып. Къолунда да сабийчик.  Бу ким болур, суратха да къайда тюшгенди, андан ары къадары уа къалай къуралгъан болур дегенча эм алагъа ушагъан кёп тюрлю соруула акъылымы бийлейдиле. 

Дунияда поэзияны сюймеген, аны фикирине бёленмеген  бар болурму? Бирде бу сагъыш акъылымы бийлесе,  сайлап, арт асыраугъача тутхан китапларымдан тизгинлени окъуучума. Ийнанмазлыкъла да чыгъарла.

Бир-бир ашланы атларын энчи сагъыннган, аланы белгилеген кюнлери барды. Ол санда бишлакъны да. Аны сюйюп хайырланыучуланы Кюню 20 январьды.

Жашауунда адам улуна аурургъа, андан иги да болургъа да тюшеди. Биз, Аллахха ийнаннган адамла эсек, ол берген саулукъгъа шукур этип турургъа керекбиз. Сыйлы Къуранда айтылгъаннга кёре, ахыратда бизге саулугъубузну къалай сакълагъаныбыз соруллукъду. Бу затланы юсюнден биз Ахматланы Назир-хажини оюмун билирге сюйгенбиз.