Календарь событий

Былтыр Къабарты-Малкъарда "Юйюр" миллет проектге кёре юйюрлеге болушлукъгъа 590 миллио сомдан аслам  бёлюннгенди.  Аны хайыры бла 18 мингсабийге 202 миллион чакълы  бир жолгъу  пособие тёленнгенди.

Бир жол салоннга тырнакъла ишлетирге баргъанымда, уста, сёзден сёзге ёте, анга жюрюген тиширыуладан бирини жарсыулу къадарына жетди. Атын-затын айтмай, ол аны жашауу бек къыйыннга айланнганыны юсюнден хапарлап башлады. Сагъат чакълы заманыбыз бар эди да, ол хапаргъа кёчдю.

Регионнга оноу этген арагъа Хасанияда жашагъанладан келген къагъыт эсепге аллыннганды. Анда сёз Деппуев атлы орамда оюла тургъан кёпюрню юсюнден барады. 

Къабарты-Малкъарны бийик-тау заповеднигинде, хар ташы, битими да кесини бир тасхасын сакълагъан жерде ишлейди Мокъаланы Ахмат. Сабыр, терен акъыллы адам, туугъан жерин бек багъалайды, аны хар мюйюшюн биледи, анга сакъ кёзден къарайды, ишине жюреги бла бериледи.

Кёп болмай "Юйюр"  миллет проектге кирген  "Аналыкъ бла сабийликни сакълау"  федерал проектге кёре Къабарты-Малкъарны тиширыулагъа консультация бардыргъан араларына   эксперт класслы беш УЗИ, саусузну халине  мониторинг бардыргъан, ингаляциялы анестезия, къанны басымын ёнчелеген  аппаратла,   электрохирургия системала,  электрон термометрле,  медицина базманла,  санитар-гигиена устройствола, мебель эм башха керек затла да алыннгандыла. 

Дуния башында эм ариу шахарларыны тизмесине кирген Ленинградны душмандан эркин этиу совет аскерлени уллу хорламларындан бириди.  Алай бу къууанчлы ишге дери уа шахарчыла ачлыкъны бла сууукълукъну, эркинликге итиниулюкню бла тёзюмлюкню, ышаныулукъну бла жигитликни  872 кюнюн бла кечесин сынагъандыла.   Къуршоугъа тюшген кезиуде, тюрлю-тюрлю шартлагъа кёре, анда 600 мингден 1,5 миллионнга дери мамыр адам жоюлгъандыла: 97 проценти  ачдан, сууукъдан.   

 Къайры барсанг, къайда болсанг да, шахарны айтмай къойсакъ да, узакъ тау эллерибизде окъуна ана тилни, анда болгъан сёзлени магъаналарын кёпле билмей къыйналадыла. Аны эсге ала, бир къауум битимлени атларын малкъар эмда орус тилде кёчюрмелерин басмалайбыз.

Кёп болмай  Чегем районда  жоллагъа тынгылы ремонт этиу жаны бла программаны эсеплегендиле эм быйыл тамамланырыкъ жумушланы да белгилегендиле. Эсге сала айтсакъ, аны баш борчу адамланы болумларын игилендириргеди.

Этезланы Мусаканы жашы Хажи-Дауут.  Ол Гирхожанда туугъанды, анда жашагъанды. Аны кёп къою, тууары да болгъанды. Кёнделенде Этезланы къолда басхан парийле да жайгъанды. Алай аны бек уллу байлыгъы уа атла эдиле,  таулу къумалы атла. Хажи-Дауут алагъа жаны бла берилгенди, кёп да  жайгъанды. Аланы араларында бек белгилиси айтхылыкъ къоспар эди, кёксюл бояулу ат.

 2026 жылны биринчи жарымына газетлеге бла журналлагъа жазылыу ишни   кёрюмдюлери бизни кезиулю кере къууандырдыла.  Бу жол да «Заман» газетни 1476 адам жаздыргъанды. Республикалы «Кабардино-Балкарская правда» (1423), «Адыгэ псалъэ» (1163) газетле бла тенглешдиргенде уа, тиражыбыз бла биринчи жердебиз.  Бюгюнлюкде «Заманны» тиражы киосклада сатылгъан бла бирге 1515 экземпляр болады.

КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ

Б Е Г И М И