Календарь событий

Герпегежден Къашхатау таба бара, тёрт къычырым баргъанлай, уллу жолгъа жетебиз. Алайгъа Юч Къолла дейдиле. Алайдан къыбыла таба къарасанг, черек сууну кёребиз. Аны ары жаны уллу ёзенди. Ол тийреге Къудохурт дейдиле. Алай аны бурун аты уа Къуругъан-Журтду.

Бу кюнледе Къулийланы Къайсын атлы Малкъар къырал драма театрда къараучула М. Горькийни «Саудюгерчиле» («Мещане») деген драмасына кёре салыннган спектакльни кёргендиле. Аны бошдан сагъынмайбыз: 1980-чи жыллада  театрыбызда бу оюнну биринчи кере салгъанларында, пьесаны малкъар тилге Жантууланы Бекмырзаны жашы Исса  кёчюрген эди. Быйыл ол туугъанлы 100 жыл болады. 

Озгъан ыйыкъда «Простуденчество»  регион форумну чеклеринде саугъалагъа тийишли болгъанланы белгилегендиле. Аланы санында  Османланы Жамиля да барды. Ол «Маданият – жарыкъландырыу» «Малкъар хазнасы» деген проектин хазырлагъанды. Бюгюн биз аны  юсюнден хапар айтырыкъбыз.

Жангы жылгъы солуу кезиуде адам санларын тазалагъан бла бирге психикасын да игилендирирге иги кезиудю.

Педагогика илмуланы доктору, РСФСР-ни халкъны жарыкъландырыуну отличниги, КъМР-ни билим бериуюню сыйлы ишчиси, профессор Байчеккуланы Нина, Созайланы Харунну къызы, ёсюп келген тёлюню юйретиуге, окъутуугъа уллу къыйын салгъанды. Бюгюнлюкде да ол ишден кери тюйюлдю, аны бла бирге республиканы жамауат жашаууна да тири къатышады. 

Бизни мектепледе окъугъан сабийлерибиз, гитчеликден да хунерликлерин ачыкълай, башха-башха дерс  олимпиадалада жетишимли болсала, сёзсюз, ол шарт ышандырмай, кёллендирмей  да  къоймайды. Аны бла бирге уа ала Окъуучуланы битеуроссей дерс олимпиадаларында, жаланда  республика даражада угъай, аны къырал урумунда да призёрла болсала неда хорламгъа тийишли кёрюлселе.