Календарь событий

Хочуланы Захида бюгюнлюкде Тырныауузда Элбрус регион колледжде жаш тёлюню быстыр тигерге юйретип ишлегенли энди отуз жылдан атлагъанды. Ол бийик категориялы устазды эмда производстволу окъутууну устасыды. «РФ-ни профессионал билим бериуюню сыйлы ишчиси» деген даражалы атны да жюрютеди. Биз аны бла ишини, хунерини юсюнден ушакъ этгенбиз.

Элбрусда жашагъан Элеккуланы Руслан бла Лена ариу юйюр къурагъанлы бир ненча жыл болады. Таулу жаш бла башха миллетли къызны сюймеклик хапарыды бу.
 

«Ана тилни эмда адабиятны ахшы устазы» атлы Битеуроссей усталыкъ эришиуню ахыр къырал даражалы уруму бу кюнледе кесини ишин бардырады. Ол кеси да бу жол Бурятия Республикада озады. 
 

Алгъаракълада «Алтын къол» деген аламат фестивальны кезиулю байрамы болгъанды. Тетууланы Хадисни бу проекти миллетге болмагъанча багъалы саугъады. Фестивальны быйылгъы темасы эски кюбюрлеге, аланы магъаналарына бла тасхаларына аталгъан эди. 

Школну директору Назир танг эрттен келе эди школгъа. Кечге дери ишлей эди. Къыйын эди Москвада окъуп келген жашха эл школда жангы жорукъла кийирирге. Ингилиз тилден иги устаз табып, аны тынгылы окъутдуруп башлады. Фатима малкъар тилни дерслерин да алды.