Календарь событий

КъМР-ни Башчысы Казбек Коков Исламейде шёндюгюлю модуль библиотеканы иши бла шагъырлейленнгенди, ол сентябрьде элни Маданият юйюнде ачылгъан эди. Аны юсюнден республиканы оноучусу кесини телеграм-каналында билдиргенди. 

Владимир Путин фронтда болгъан аскерчилеге  алгъыш сёзюн айтханды. Аны юсюнден Къабарты-Малкъарны Башчысы Казбек Коков кесини телеграм-каналында билдиргенди.

Озгъан 2025 жыл бизни республикагъа кёп жаны бла хайырлы болгъанды. Бу кюнлеге сау жылгъа статистика шартла энтта да толусунлай чыгъарылмагъандыла, алай он-онбир айгъа кёрюмдюле уа бардыла.

Алгъаракъда газетде «Къыз къачырыу: ол бизни адетмиди?» деген статьяны окъугъан эдим. Андан бери ол анда айтылгъанны юсюнден кесини акъылын хасаньячы Къадырланы Зухура билдиргенди да, аны басмалайбыз.

Бу кюнледе «Нальчик-Арена» буз мекямда бардырыллыкъ «Шайбу, шайбу!» деген сабий хоккей турнирге Шимал Кавказны регионларындан жаш спортчула келликлерини юсюнден КъМР-ни Башчысы Казбек Коков кесини телеграм-каналында билдиреди.

Бюгюнлюкде сабийлеригизге ёз тилибизде жомакъла окъуймусуз? Ма биз да сизге юч айыуну юслеринден бир жомакъны саугъа этерге сюебиз. Аны аммаларыбыз туудукъларына сюйюп айтхандыла. Орус халкъ жомакъгъа кёре къуралгъан хапарчыкъ, шёндюгю жашчыкълагъа бла къызчыкълагъа да сейир болур деп ышанабыз. 

Озгъан геуюрге кюн  КъМР-ни Жарыкъландырыу эм илму министерствосуну жыйылыула бардырылыучу залында Къабарты-Малкъарны Правительствосунда акъылбалыкъ болмагъанланы ишлери, аланы эркинликлерин эмда праволарын  къоруулау жаны бла  комиссияны кенгерген жыйылыуу болгъанды. 

Жангы жылны байрамына хазырлана, бирле кеф этдирген ичгисиз болалмайдыла.  Алгъын бизге аракъысыз солуу толу тюйюлдю, чагъырсыз къууанч жарыкъ болмайды, деген терс ниетлени сингдирирге кюрешгендиле. 

КъМР-ни Саулукъ сакълау министерствосундан билдиргенлерича, быйыл жыл башланнганлы «Земский доктор/ фельдшер» къырал программагъа кёре 35 медицина ишчи урунургъа онг тапхандыла. 

Хар ким да сайлагъан усталыгъында бир жетишимге жетерге итинеди. Устазлыкъ эм багъалы, даражалы усталыкъ бола келгенди къачан да. Эчкиланы Рамазанны къызы Ёзденланы Светлана Тырныауузда жашайды. Бир ёмюрню жартысын сюйген ишинде бет жарыкълы урунады. Ол 1-чи номерли лицейде малкъар тилден бла адабиятдан окъутханлы кёп жыл болады. Сынамы уллу, даражасы да бийик устаз «Россей Федерацияны халкъгъа билим бериуюню отличниги» деген сыйлы атха 2015 жылда тийишли болгъанды. Ол бизни бюгюннгю къонагъыбызды.

Малкъар халкъны аш хазнасы байды, сейирликди эмда къыйматлылыгъы бла башха кавказ халкълагъа хазна хорлатмайды деп айтыргъа боллукъбуз. Айран, бишлакъ, жёрме, къакъ жёрме,  жалбауур, шишлик, бюйрек шишлик, таба шишлик,  уучу шишлик, уча, сохта,  жаулу сохта, къууурулгъан жёрме, таба къаз шишлик, къыйма, къазы, хычин, боза эм кёп башха ашарыкъларыбыз бла ёхтемленирге боллукъбуз.