Календарь событий

КъМР-ни Правительствосуну юйюнде ётген кенгешде юч жанлы комиссияны келечилери бизни республикада социал-урунуу халланы тийишдириуню юсюнден сёлешген эдиле. Аны эсеплерине кёре,  жангы келишим этилликди, уруннган адамлагъа берилген социал гарантияла уа асламыракъ боллукъдула.

Юсюбюздеги жыл ахырына жете келгени бла байламлы, РФ-ни Сюд приставларыны федерал службаларыны КъМР-де управлениясыны «Жангы жылгъа борчсуз кир» деген ат бла акция бардыргъаныны юсюнден бизге ведомствону пресс-службасыны таматасы Баллиланы Алина билдиргенди.

Бёрю къарыулу, терк чапхан, акъыллы жыртхыч жаныуарды. Аланы бек уллулары Узакъ Северде, гитчелери уа Къыбыла жанында жашайдыла. Узакъ Севердеги бёрюле акъсылдыла, къышда ала чыммакъ боладыла, къыбылада жашагъан бёрюле уа кьаралдым-юзмез бетли (боз) боладыла. 

«Финтрек» деген проектни чеклеринде жангы окъуу семестр башланнганды. Ол Россейни Банкыны билим бериу башламчылыгъыды, кеси да финансла жаны бла хайырлы билим алыргъа себеплик этеди. Вебинарла жангыртылгъан онлайн‑платформада (https://fintrack.study) бардырыладыла.

Мен бюгюн сизге хапарын айтырыкъ тиширыу болмагъанча адамлыгъы, акъылы, сабырлыгъы, жылыудан толгъан уллу жюреги болгъан адамды. Жолайланы Лиза Кенжеде жашайды. Ол баш иеси Ханапий (жаннетли болсун) бла юч сабий ёсдюргенди. Лиза дагъыда бир ёксюз жашчыкъны алып, анга къарагъанды.

Бусагъатда Президентибиз Владимир Владимирович Путин жыл сайын бардырыучу тюзюнлей ызын башлагъанды, деп билдиреди КъМР-ни Башчысы Казбек Коков МАКС каналда.

Багъалы окъуучуларыбыз!

Биз «ЗАМАН» газетни бетлеринде республикабызда тамамланнган ишлени юсюнден билдириуле  жазабыз, халкъыбызны тарыхыны, маданият хазнасыны, къууанчларыны, жарсыуларыны, ниетлерини бла муратларыны юсюнден да материалла басмалайбыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

Кёп болмай КъМР-ни саулукъ сакълау министри Рустам Калибатов медицина организацияланы таматалары бла кенгеш бардыргъанды. Анда республикада саулукъ сакълауну айнытыу не халда болгъанына энчи эс бурулгъанды. Диагностика тийишли халда бардырылырча медицина оборудование бла кёчюрюрге жарагъан комплексле эм Саулукъ сакълауну биринчи болушлукъ берген бёлюмюн жангыртыу программагъа кёре алыннган автотранспорт къалай хайырланылгъанларына да къаралгъанды.

Мариямны мен эрттеден таныйма. Экибиз да бир эллилебиз. Бир орамда, бир черекни боюнунда ёсгенбиз. Бир кезлеуню сууун ичгенбиз. Къабыргъа къоншула эдик, ожакъларыбызны тютюнлери  бирге къошула жашагъанбыз.

Ишни юсю бла манга гид Реза Барадаран бла танышыргъа тюшгенди. Аны бла телефон бла сёлешген заманда гюржюлю суннган эдим. Нек дегенде орус тилде сёлешгени аланы сёлешиулерине ушай эди. Болсада, бетден-бетге тюбешгенибизде, ол иранлы болгъанын айтады. Бюгюн сизни да, багъалы окъуучула, аны бла шагъырей этерге сюеме.

КъМР-ни Жарыкъландырыу эмда илму министерствосу кезиулю жыйылыуун  Чегем шахарны 3-чю номерли мектебинде   бардыргъанды. Аны ишине  КъМР-ни Парламентини Жарыкъландырыу, илму эмда жаш тёлюню ишлери жаны бла  комитетини таматасы Нина Емузова, КъМР-ни Башчысыны кенгешчиси Тюбейланы Альберт, МЧА-ны президенти, КъМР-ни Жарыкъландырыу эм илму  министерствосуну жамауат советини таматасы Хаути Сохроков,   республиканы  районларында  билим бериу управленияланы башчылары, окъуу юйлени директорлары, устазлары эмда башхала къатышхандыла.

КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ

Б Е Г И М И