Календарь событий

Кёп болмай Республикалы клиника больницаны саусузланы бек алгъа алыучу бёлюмю хайырланыргъа берилгенди. Аны къууанчлы халда ачылыууна РФ-ни вице-премьери Татьяна Голикова, Россейни саулукъ сакълау министри Михаил Мурашко видео байламлыкъланы амалы бла къатышхандыла. 

Жерлешибиз Аналаны Хусейни жашы Эльдаргъа  РФ-ни Президенти Владимир Путинни Указы бла «Россей Федерацияны сыйлы врачы» деген ат аталгъанды.

Кёп болмай Къабарты-Малкъар къырал университетде «Тири эм конкуренциягъа чыдамлы  экономика» миллет проектге кирген «Россей Федерацияны илму-технология жаны бла айнытыу»  федерал проектге кёре, сынамлы специалистле, бийик билим бериу программала жаны бла экспертле студентле бла тюбешгендиле.

Къабарты-Малкъарда жолланы къыш кезиуде къардан тазаларча «Кавказ» управление 56 энчи улоу чыгъарлыкъды. Техниканы бары да «Дортранснавигация» диспетчер системагъа къошулуп ишлерикди, дегендиле ол учрежденияда.

Сау жылны къадалып ишлеген адам солуу кезиуню зауукълу ётдюрюрге сюеди. Алай анга къоранчла   уллудан,   юйюрню къолайлыгъына хата тюшмей къоймайдыла. Алай болмаз ючюн а, солуу кезиуге иги хазырланыргъа керекди. 

Адам улу чайны таныгъанлы, баям, бир ненча минг жыл бола болур. Тюрсюнлерини юсюнден айтханда: къызылы, къарасы, жашили, агъы, сарысы, татыулары, башха энчиликлери уа бютюнда кёп – ол бары да аны юсюнденди. Бу айны онбешисинде чайны халкъла аралы кюню белгиленеди да, биз да эсгерип, аны юсюнден бир жангы шартла табаргъа кюрешгенбиз да, ала бла сизни да шагъырейлендирейик.

Бу хапарны бизге алгъаракълада огъурлу къарындашыбыз, керти окъуучубуз Беккиланы Омар жазып жибергенди. Аны хапарлары тюз кюзгюча, хар болгъан шартны, болумну кёз тууранга келтирип къоядыла. Ол жютю кёзлю инсанны хатыны бир магъаналы кесегиди, бютюнда кёргенинги, эшитгенинги къагъытха тюшере билиу а уллу хунерди. 

Этезланы Алана Тырныауузда жашайды. Анга эм ариу каратечи къыз дерге боллукъбуз. Бусагъатда ол жашауун жаланда спорт бла байлар умутлуду.Алананы алты жылы болгъанда, асыры чёрчекден, спортха берирге келишедиле атасы бла анасы. Аны биргесине гитче эгешчиги Эльманы да бередиле. 

Спорт, маданият, санат, чыгъармачылыкъ…жашауну къайсы жанында да инсаннга жол кёргюзтгенден, усталыкъгъа юйретген насийхатчылары боладыла. Спортчулагъа ол насийхатчылыкъны тренерлери этедиле. Хар жетишимли гёжефни жанында неда команданы башында тренер турады, аны къыйыны чексиз уллуду.

Хурметли  окъуучуларыбыз!

 «Заман» миллетибизни жангыз газетиди. Ол халкъны къыраллыгъын кёргюзтген бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

Бюгюнлюкде 2026 жылны бирнчи жарымыны 6 айына газетге жазылыу Россейни почта бёлюмлеринде къыстау бардырылады. Аны багъасы тюрленмегенди 1130 сом бла 82 капекди.  

Жыл санлары жетгенлени асламысы кюн тюрленнгенлей  къыйналып башлайдыла. Ол не бла байламлыды? Аны юсюнден Вольный Ауулну поликлиникасыны врачы Рахайланы Людмила бла ушакъ этгенбиз.