Календарь событий

Глава региона информировал Президента о социально-экономической ситуации в регионе, уделив особое внимание вопросам здравоохранения и демографии. 

Хочуланы Алим сайлагъан усталыгъына бек ыразыды. Сабийлигинден келген муратына жетгенине къууанады. Бусагъатда ол «Нальчикский завод строительных материалов» ООО-да ишлеп келгенли сегизинчи жыл барады. Ол бюгюн бизни къонагъыбызды.

Алгъаракъда Лайпанланы Къазий бла Батчаланы Мусаны «На крыле времени» деген китабын жангыдан окъудум. Анда сёз къарачай-малкъар халкъны керти уланы Алийланы Жашууну жашы Умарны юсюнден барады. Уллу къуллукъчула бла суратлары да кёргюзтюледиле анда. 1922 жылда алыннганында уа ол бачаманы тюз къатында олтуруп турады. Ол заманда анга 27 жыл бола эди.

Бу материалны редакциягъа философия илмуланы кандидаты Жангоразланы   Мухаммат ийген эди. Анда сёз алгъын тау эллерибиз къалай къуралгъанларыны юсюнден барады. Бюгюн газетни электрон амал бла чыкъгъан номеринде ол билдириуню басмаларгъа тийишли кёребиз.

Дунияда эм бийик жерле тауладыла. Бирлери деменгили, башхалары гитчерек, тёппелерин ёмюрлюк чыранла къысханла, этеклерин терен чегетле алгъанла, энчи атлары болгъан неда белгисизле – аланы саны бек кёпдю, хар бири да кесича тамашалыды. Таулагъа, къайсы тюрлю экосистемагъача, энчи, аяулу кёзден къараргъа тийишлиди. Ол себепден аланы халкъла аралы кюню да барды, ол а онбиринчи декабрьге тюшеди.

Къышда кюн, витаминле жетмей, сууукъла тийип, къарыусуз болабыз. «Андан сора да, иммунитет, жыл сан келе-келсе, къарыусуздан-къарыусузгъа айланады, ол бегирек 50-55 жылдан сора эсленип тебирейди», - деп эсгертеди терапевт Магрелланы Келимат. Сора къалай кючлендирейик саныбызны – чархыбызны? Бу соруугъа жууап Магрелланы Келимат бергенди. 

Къабарты-Малкъарда быйыл биринчи он айны ичинде тахта кёгетледен 360,4 минг тонна жыйылгъанды. Ол а былтырдан  иги да асламды, деп билдиргендиле республиканы Эл мюлк министерствосундан.

Бу кюнледе Нальчик шахар округну  жер-жерли администрациясында  волонтёрланы  саугъалагъандыла.

Быйыл жылны башындан бери жашау журтлада жашагъан абонентле заманында  тёлемегенлери ючюн  «Россети Северный Кавказ» - «Каббалкэнерго» биригиуге 30,6 миллион чакълы пеня тёлерге  тюшгендиле. Аланы тёртден бири электрокючню хайырланыугъа чек салыннгынчы  борчларын  жабаргъа ашыкъгъандыла. Анга кёре  9,25 миллион сом,  неда айтылгъан ахчаны 30 процентин бергендиле.

КъМР-ни Эл мюлк министерствосундан билдиргенлерича, быйыл жылны башындан бери малланы бла юй къанатлыланы этлеринден  (союлмагъан ауурлукъда) эл мюлклени барысында да 42,6 минг тонна сатылгъанды. Ол, былтыр бу заман бла тенглешдиргенде,  20,5 процентге кёпдю.

Россельхознадзорну Шимал Кавказда управлениясыны Къабарты-Малкъарда  бёлюмюнден билдирилгенича, быйыл алмадан тирлик жыйылгъанлы  тышына  37 минг тонна сатылгъанды. Ол,  былтыр бу  заман бла тенглешдиргенде,  31 процентге кёпдю.  

15 декабрьде битеу дунияда Чайны халкъла аралы кюнюн белгилейдиле. Ол кюн жер юсюнде адамла бек кёп ичген суусапладан бирине – чайгъа - жораланады. Чайны адамла бек кёп жылланы ичинде сюйюп ичедиле: ол алагъа сууукъ кюн жылыныргъа болушады, стол артында ахлуланы, коллегаланы бютюн жууукъ этеди, бир-бир миллетлени адеьт-тёрелеринде уа  къонакъбайлыкъны белгисиди.

Бу кюнледе республикада «Биринчилени атламлары» сабий эмда жаш тёлюню регион бёлюмю кесини ючюнчю конференциясын бардыргъанды.  Быйыл  аны тизгинлерине 250 адам къошулгъанды.  Аланы араларында уа эм тириле, насийхатчыла,  жер- жерли бёлюмлени башчылары  да бардыла. Конференцияда  быйылгъы жылны ичинде  тамамланылгъан ишлени эсеплери чыгъарылгъандыла, мындан ары этилирге керекли борчла белгиленнгендиле. Жаш адамла бир бирге ишлеринден сынауларын да юлюш этгендиле.