Календарь событий

Огъары Малкъарда жашагъан Улбашланы Хасан жазылыу кампанияны озгъан кезиуюнде газетибизге уллу болушлукъ этгенди. Андан сора да, намыслы, адепли сёлешип, жюрегибизде жаланда огъурлу сезимле туудургъанды. Аны ёсдюрген юйюр бла шагъырей болур муратда Огъары Малкъаргъа баргъан эдим. Атасы Муталиф дуниясын алышханды, жаннетли болсун, анасы Роза бла уа къаршыракъ танышыр онг чыгъып, ол къонакъбайым болгъанды

Шимал Кавказда Ространснадзорну Къабарты-Малкъарда бёлюмюнде бу ведомствону ишчилери адамланы эмда жюкле ташыучу компанияланы келечилери бла тюбешгендиле. Анга бёлюмню башчысы А. Джибилов, инспекторла эм башхала къатышхан эдиле. Жыйылыуну кесин да коррупциягъа къажау кюрешни халкъла аралы кюнюне атап бардыргъандыла.

Аппайланы Людмила Огъары Жемталаны тарыхыны юсюнден бу материалны хазырлап, редакциягъа ийген эди.  Аны бла сайтыбызны окъуучуларын шагъырей этебиз.

Белгилиди, кёп суратчыла, жазыучула эм кючлю, белгили чыгъармаларын абаданла болгъанларындан сора жазгъандыла. Сёз ючюн, онкология аурууланы тинтген алим Колин Маккалоу «Поющие в терновнике» деген романын пенсиягъа чыкъгъандан сора басмалагъанды. Кёпле уа  элли жылдан сора адам не жаны бла да ёчюлюп башлагъан сунадыла.

Къабарты-Малкъардан эки сабий Росприроднадзорну «Экология – хар кимни иши» деген эришиуде  хорлагъандыла эм лауреатла  болгъандыла. Фахмулу жашчыкъ Тимур Еналеев номинацияладан биринде ючюнчю жерни алгъанды,  онжыллыкъ къызчыкъ Сабина Канукоева уа энчи саугъа къоллу болгъанды.

Дондагъы Ростовда эстетика гимнастикадан «Аламланы парады» деген регионла аралы эришиу бардырылгъанды. Анга  къыралны 12 регионундан 800-ге жууукъ спортчу къатышхандыла.

Отуз  россейли шахарда бла талай тыш къыралда «Ата журтну Жигитлери» деген ат бла спортну 15 тюрлюсюнден халкъла аралы эришиуле къуралгъандыла. Къабарты-Малкъарда уа каратечиле жыйылгъандыла.

СССР-ни дзюдодан бла самбодан спортуну устасы Газаланы Русланны хурметине «Нальчик» спорт арада дзюдодан командаланы араларында республикалы эришиуле бардырылгъандыла. Алагъа 2012-2013 жыллада туугъан жашладан къуралгъан 17 къауум къатышхандыла.

Эсеплеге кёре, эм кючлюлеге «Нальчик 1» къауумну келечилери саналгъандыла, экинчи жерге  «Нальчик 2» чыкъгъанды. Ючюнчюню уа «Дзюдо КБР» бла «Локомотив» къауумла юлешгендиле. Спортчуланы тренерле Залим Гаданов, Беслан бла Залим Дзуевле, Азамат Таов бла Эдик Купов юйретедиле.

Бизни республикада быйылны тирлик жыйыу кезиую толусунлай бошалгъанды  дерге боллукъду. Регионну Эл мюлк министерствосундан билдиргенлерине кёре, бу иш тынгылы, чурумсуз, кеси да болжалындан чыкъмай тындырылгъанды. Тирлик битеу да 280 минг гектардан жыйылгъанды. 

Быйыл Къабары-Малкъарда «Узакъ эм тири  жашау бардырыу»  миллет проектге кёре  районла  аралы больницаланы  поликлиникаларын сегиз цифралы  маммограф  бла жалчытхандыла, деп билдириледи КъМР-ни Саулукъ сакълау министерствосуну пресс-службасындан.  

Ата журтну Жигитлерини кюнюнде Сюд приставланы федерал службасыны КъМР-де Управлениясында къуллукъ этгенле #Спасибо_Героям деген акцияны бардыргъандыла:  СВО-гъа  аскерчилени жашырынлыкъларын жалчытхан ау эшгендиле, окопланы жарытырча жау чыракъла этгендиле. 

Каркаланы Гелястанны жашы Боташ  1939  жылда аскерге чакъырылады. Анга Финляндия бла чекде Карелияда къуллукъ этерге тюшеди. Анда 27-чи дивизияны 337-чи полкуну 3-чю  батальонуну аскерчиси эди.

Хурметли жамауат!

Сиз республикабызда тамамланнган ишлени юслеринден толу хапар алыргъа сюе эсегиз;

Сиз ёз халкъыгъызны адамы болгъаныгъызны дайым сезгенлей турургъа сюе эсегиз;

Сиз малкъарлыланы тарыхларыны, маданият хазналарыны, тёрелерини эмда адетлерини, аланы бюгюннгю жашауларыны, жетишимлерини эм къайгъыларыны юсюнден кёбюрек билирге итине эсегиз – «ЗАМАН» ГАЗЕТГЕ ЖАЗЫЛЫГЪЫЗ!

Республикалы аскер комиссариатдан «Эльбрус» атлы аскер бёлюмню сатырларына кеси ыразылыкълары бла къошулгъан жашланы къауумун къуллукъ этерик жерлерине ашыргъандыла.

Акъылбалыкъ болмагъанлагъа деп ишлеген Республикалы социал-реабилитация ара  «Намысда» болум энчиди – мында багъыу иш дарманла, уколла бла угъай, ангылаулукъ, себеплик этиу эмда хар сабийге ийнаныулукъ бериу бла бардырылады.

Республиканы билим берген учрежденияларында  окъугъанла эмда ишлегенле  энчи аскер операциягъа къатыша тургъан аскерчилеге деп  жандауурлукъ этиулерин бир кюнде да къоймайдыла. Алай бла  бу кюнледе Басхан районну, Басхан шахарыны 8-чи номерли мектебинде окъугъанла, устазла да аскерчилеге деп  кёп тюрлю-тюрлю  затла жыйышдырып ашыргъандыла.

Быйыл Къабарты-Малкъарда 85 километр чакълы бирде  кече жолланы жарытырча чыракълы чыпынла салгъандыла. Аны бла бирге 25 километрде  тротуарла эм 80 улоу тохтагъан жерле  ишленнгендиле,  деп билдириледи КъМР-ни Транспорт эмда жол мюлк министерствосуну пресс-службасындан.

Кёп болмай «Россети Северный Кавказ» – «Каббалкэнерго» биригиуню келечилери Урван районну Эски Урух элинде майнинг бла кюрешгенле эркинликсиз  электрокючню хайырланнганларын ачыкълагъандыла.   Саулай алып айтханда, ала 764 минг сагъат урлагъандыла, ахчагъа  кёчюргенде, ол 5,8 миллион сомгъа жетеди.

Къабарты-Малкъарны медицина технологияланы арасына бек аз тюбеген эки ауруудан бирден ауругъан 75-жыллыкъ саусуз  келтиргендиле. Аны жюреги къарыусуз ишлеп, къан бир-бирде айланмай, тохтай эди. Пациент гемофилиядан да къыйналгъаны себепли (жарадан акъгъан къаны уюмайды), аны жаргъанда жанына уллу къоркъуу болгъанды.