Календарь событий

9 декабрьде, Ата журтну Жигитлерини кюнюнде, КъМР-ни Правительствосунда ишчи кенгеш бардырылгъанды, ол доброволецлени «Эльбрус» деген жангы бёлюмюню къуралыууна жораланнганды. РФ-ни Президентини СКФО-да толу эркинликли келечиси Юрий Чайка башламчылыкъ этген эмда КъМР-ни таматасы Казбек Коковну башчылыгъында къуралгъан тюбешиу тарых эсни бла шёндюгю къорууланыу ишни байламлыкъларыны шартычады.

Москвада  Россейни ФСБ-сыны директору А.Бортников  Терроризмге къажау миллет комитетни (НАК) бла Федерал оператив штабны (ФОШ)  жыйылыуларын бардыргъанды. Анда 2025 жылны эсеплери чыгъарылгъандыла эмда келир жылгъа борчла белгиленнгендиле, деп билдириледи НАК-ны сайтында.

Никотин адамны битеу санларын ууландырады, аурууланы асламы аны ючюн башланнганлары белгилиди.

Ата журтну Жигитлерини кюнюнде  РФ-ни Президенти Владимир Путин  Россейни Жигитлерине  «Алтын Жулдуз» майдалланы бергенди.

Врачланы бир къаууму сууукъла тийип ауругъан кезиуде санны иссилигин ибупрофен бла тюшюрсе, ол миокард инфарктны къоркъууун 3,4 чакълы бирге кёбейтеди деген эсепге келгенди. Анга ушагъан бирси дарманла да (аланы воспалениялагъа къажау нестероид препаратланы (НПВС) къауумуна бирикдиредиле) алайдыла.

Чегемде районну администрациясыны биринчи башчысы Михаил Мамбетовну хурметине грек-рим тутушуудан 2014-2017 жыллада туугъан спортчуланы араларында республикалы эришиу къуралгъанды. 

11 декабрь Тауланы кюнюне саналады. Бизни республикабыз битеу дуниягъа кесини тау тёппелери бла белгилиди. Алай адамларыбыз окъуна Минги  таудан сора башха тауланы атларын толусунлай айтыргъа къыйналадыла. 

Шимал Кавказда гитче эмда орта предприятияла къыралны болушлугъу бла 25 процентге кёп ахча къоллу болгъандыла. Быйыл биринчи тогъуз айны ичинде Миллет гарантия системаны амалларын хайырланып, бизнес 31,1 миллиард сом алгъанды, дегендиле МСП Корпорацияда.

Кесине усталыкъгъа саулукъ сакълауну сайлап, анга кертичи бола, жамауатха къайгъырыулукъда ишлегенлерибизден бириди Кетенчиланы Альбина. Ол Булунгуда атасы Муталифни уллу эмда шуёх юйюрюнде ёсгенди. Гитчелигинде окъуна аны медицинаны сюйгени белгили эди, нек дегенде тийреде сабийлеге уколла этеме, жараларын байлайма деп, асламысында кесин врач этип ойнагъанды. Баям, адам эс бурмагъанлыкъгъа, аны усталыкъ бла байламлы табийгъат берген ышанлары кеслерин алай ачыкълапмы башлай болурла.

Республиканы клиника больницасы телеграмында саулукъгъа хайырлы эсгертиулени дайым этгенлей турады. Бу жол анда ичги инсанны психикасын къалай бузгъаныны юсюнден айтылгъанды.

Жукъусузлукъдан къыйналгъанла алай аз тюйюлдюле. Алай андан къутулур ючюн, дарман ичерден алгъа табийгъат берген амалланы  хайырланыргъа боллукъду. Илму тинтиуле ачыкълагъанларыча, ингирде не ашагъаныгъыз кече тынчлыкълы жукълагъаныгъыз бла къысха байламлыдыла.

Озгъан эки айда Россейде ичгини хайырланыу иги да аз болгъанды. Ол эсеплени Бирикдирилген ведомствола аралы информация-статистика система туура этгенди. Анда айтылгъаннга кёре арт 8 айны ичинде бу кёрюмдю къыралны тарыхында 1997-98 жыллада тохташдырылгъан бек аз ёлчемге жете келгенди.

Кёплени жыл санлары жетсе, жюреклери ауруп башлайды. Аны биринчи ышанлары къаллайладыла, неге эс бурургъа керекди? Аны юсюнден врач – кардиолог Асанланы Джамиля бла ушакъ этгенбиз.

Быйыл 9 декабрьде Россейде борчлу халда автострахование этиу системада тюрлениуле боллукъдула. Энди кёп водительге ОСАГО багъаракъ туруп башларыкъды, талай регионда уа ол эки кереге окъуна ёсерикди.