Календарь событий

Быйыл октябрьде Начало формыКъабарты-Малкъарда аш-азыкъланы эмда башха товарланы багъалары жарым процент къошхандыла, жумушла уа учузуракъ болуп башлагъандыла. Тийишли тергеулерини эсеплери бла Россейни Банкыны республикада бёлюмю шагъырейлендиргенди.

Врач жазгъан дарманланы ичип тургъанма, болсада ала манга хазна болушмагъандыла. Доктор а манга, кесинг терссе – аланы ызларындан жарамагъан сууну ичгенсе, дегенди. Дарманны ызындан чайны неда сууну ичиуню башхалыгъы алай уллумуду?

Сарымсах сууукъдан, гриппден ауругъанлагъа, жюреклери, къан тамырлары къыйнагъанлагъа жарагъанын илму тохташдыргъанды. Эштада, аны онкологиягъа къажау кючю да болур. 

Анахаланы Мустафа самбодан спортну халкъла аралы устасыды, СССР-ни самбодан сыйлы устасыды, Къабарты-Малкъарда физкультураны эм спортну сыйлы ишчисиди. Органлада ахшы ишлегени ючюн юч даражалы майдал бла саугъаланнганды. Кеси заманында самбодан уллу жетишимле болдургъанды, арт жыллада уа кёп жылланы билимине жаш тёлюню юйретеди, тау эллерибизде спорт секцияла ачылырына къайгъырады.

1942  жылда ноябрь айны 27-ден 28-не дерни эрттенлиги Черек районну тарыхында эм къыйын бетлеринден бириди. Капитан Фёдор Накинни башчылыгъында НКВД-ны бёлюмю бардыргъан операцияны кезиуюнде Огъары Малкъарда бир къауум эл тюп этилгенди, аланы ичинде – Сауту, Глашлары, Кюнлюм, Огъары Чегет.

Кёп фатарлы юйледе атлауучла бла чыкъгъан майданчыкълада адамлагъа мюлклерин, аберилерин къояргъа эркин этилмейди, деп билдиредиле МЧС-ни регионда Баш управлениясындан.

Париж кёп магъаналы документлени кёргенди — мамырлыкъ келишиуле, революция манифестле, къырал указла. Алай 1895 жылда 27 ноябрьде эрттенликде Рояль орамда швед клубну бир гитче бёлюмюнде политиканы тюрлендирмеген, илму бла маданиятны дуниясын тюрлендирген къагъытха къол салыннганды.

Колхозланы, совхозланы заманларында бола тургъан ишди. Эр кишиле ара мюлкде Сары-Тала жайлыкъда мал аш хазырлайдыла. Танг жарыгъы бла турадыла, чыкъ къуругъунчу чаладыла. Асхут заманда бираз солуйдула, андан сора уа хазыр дырынларын жыядыла.

Адамла кеслерини къууанчлары, бушуулары бла да дайым келиучю махкемеледен бири  ЗАГС-ды. Бюгюн хапарыбыз Черек районну ЗАГС-ыны юсюнденди.

Шёндю мен Нальчикде жашайма, илму библиотекада ишлейме, солуу кезиуюмде, онг болуп, Къыргъызстаннга бармай къалмайма, анда къарындаш халкъыбызны адамларындан кёрген намысны айтып тауусаллыкъ тюйюлме, унутурукъ да тюйюлме. «Тилибиз – бир, динибиз – бир, не юлешебиз», – деп къоядыла къыргъызлыла малкъарлылагъа бла къарачайлылагъа.

Хурметли окъуучуларыбыз!

Сиз республикабызда тамамланнган ишлени юслеринден толу хапар алыргъа сюе эсегиз;

Сиз ёз халкъыгъызны адамы болгъаныгъызны дайым сезгенлей турургъа сюе эсегиз;

Сиз малкъарлыланы тарыхларыны, маданият хазналарыны, тёрелерини эмда адетлерини, аланы бюгюннгю жашауларыны, жетишимлерини эм къайгъыларыны юсюнден кёбюрек билирге итине эсегиз – «ЗАМАН» ГАЗЕТГЕ ЖАЗЫЛЫГЪЫЗ!

Бир юйюрню келечилери бир ызны тутуп, анда атларын иги бла айтдыра келселе, ол, айхай да, сейир, ахшы да шартды. Ахкёбекланы юйюрлерини юч тёлюсю гидрология постда ишлейдиле.   Гидрометеореология службаны баш борчу метереология халланы тюз эм заманында билиу, аны себеплиги бла адамланы жашауларын, мюлклени да къыйын табийгъат болумладан сакълауду.