Календарь событий

КъМКъУ-да «Россей барыбызны да юйюбюздю» деген ат бла жаш тёлю форум бардырылгъанды. 

Сарымсахны багъыу жаны бла хайырлылыгъын билмеген адам хазна табылсын. Россейли алимле бир къауум тинтиулени бардыргъандан сора быллай оюмларын билдиргендиле: жангы сарымсах аны къурутулгъан эм ашарыкъгъа къошулгъан тюрлюлеринден эсе кёп да хайырлыды.

Озгъан окъуу жылда Къабарты-Малкъар къырал университетни медицина академиясыны «Багъыу иш» ызын юч жюз адам бошагъанды. Къызыл дипломла алгъан  тизмесинде уа онюч таулу жашны бла къызны барлыкълары бизни да къууандыргъанды. 

Ана тилибиз тас болуп къалмаз ючюн, алимлерибиз, устазларыбыз, жазыучуларыбыз, журналистлерибиз да кёп тюрлю-тюрлю ишлени бардыргъандыла эмда бардырадыла. Кесини заманларында алимле  Толгъурланы Зейтун бла  Малкъондуланы Абидат тилибиз бла байламлы  кёп илму ишле жазгъандыла,  «Гаппаксальный словарь карачаево-балкарского языка» деген китап да чыгъаргъандыла. 

Арт заманлада ёлюмню юсюнде дин бла байламлы тюрлю-тюрлю даулашлагъа тюбей турабыз. Ол алай тюйюлдю деп айталлыкъ табылмаз арабызда. Хар элде, хар ауузда да кеслерини жорукълары жюрюйдюле. Асламында ол дууа алыу бла байламлы болуучу эди. 

Арт кезиуде аш-азыкъны тюз сайлауну, ол саулукъ, жашауну узунлугъу бла къысха байламлы болгъаныны юсюнден аслам айтылады. Республиканы клиника больницасыны телеграм-каналында билдиргенлерине кёре,  тахта кёгетле жемишле, арпа, будай, жаулу болмагъан белок жюрекни сакълаугъа себеплик этерикдиле.

Грецияны Лутраки шахарында грэпплингден дунияны чемпионатына 15 къыралдан 330-дан аслам спортчу къатышхандыла. Аланы араларында республикабызны келчилери да болгъандыла, ала юч алтын эмда бир доммакъ майдал бла къайтхандыла.

Быйыл жылны башындан бери  «Каббалкэнерго» биригиуню  1 545 чакълы специалисти  электрокюч жаны бла  билим бериу учреждениялада  тийишли курсланы ётгендиле, деп билдиредиле электрокюч бла жалчытхан биригиуню пресс-службасындан.

Транспорт сферада надзор этиу жаны бла федерал службаны Шимал Кавказда бёлюмюнден (Ространснадзор) «Внимание, переезд!» деген айлыкъ жумуш бардыра тургъанларыны юсюнден билдиргендиле. Ол бу айны биринчисинде башланнганды. Аны кезиуюнде темир жолланы юслери бла башха жанына ётгенде сакъ болургъа кереклисини юсюнден айтылып турлукъду.

ХУРМЕТЛИ ЖАМАУАТ!

Биз «ЗАМАН» газетни бетлеринде республикабызда тамамланнган ишлени юсюнден билдириуле  жазабыз, халкъыбызны тарыхыны, маданият хазнасыны, къууанчларыны, жарсыуларыны, ниетлерини бла муратларыны юсюнден да материалла басмалайбыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

Росгвардияны кадет классыны окъуучулары «Уллу этнография диктант» жарыкъландырыу жумушлагъа къатышхандыла. Жашла бла къызла тарых, маданият, Россейни халкъларыны тёрелери, адетлери бла байламлы соруулагъа жууапла берип, билимлерин сынагъандыла.

Кёп болмай Къабарты-Малкъар къырал университетде  робототехника бла пилотсуз  системалагъа аталгъан регион магъаналы форум болгъанды.  Анга вузланы, промышленный компанияланы, къырал  структураланы  келечилери,  экспертлени къаууму эм башхала къатышхандыла.