Календарь событий

Андрей Ткаченко атлы суратлау искусстволаны музейинде Уллу Хорламны 80-жыллыгъына аталгъан «Кавказ. Келлик заманны кесине тартыуу» деген кёрмюч ачылгъанды. Анга Кавказны кёп суратчылары къатышхандыла, Художестволаны россейли академиясы (РАХ) эм Россейни суратчыларыны бизни республикада регионлу бёлюмю къурагъандыла. 

Озгъан солуу кюнледе КъМР-ни табийгъат байлыкъла эмда экология министри Шауаланы Илиясны башчылыгъы бла «Таза къудурет» миллет проектни чеклеринде «Агъачны сакълайыкъ» эм «Россейни сууу» деген  акцияла бардырылгъандыла.  Бу жол  анга мингнге жууукъ адам къатышханды. Аланы кючлери   бла Нальчикде ара солуу паркда бла Хасанияда танг кесек терек орнатылгъанды, деп билдириледи КъМР-ни Табийгъат байлыкъла эмда экология министерствосуну пресс-службасындан. 

КъМР-де Оператив штаб республиканы жамауатын бла аны къонакъларын келе тургъан байрам бла – Халкъны бирлигини кюню  бла -  алгъышлайды эмда сакълыкъны кючлендирирге чакъырады, террорчулукъ ишледен сакъланыр ючюн, бу жорукълагъа бойсунуругъузну тилейди:

Кёнделен уллу тау эллерибизден бириди. Мында окъуугъа, билимге хар заманда уллу эс бурулгъанды. Аны хайырындан чыкъгъандыла элден кёп белгили адамла. Аланы араларында къырал къуллукъчула, жазыучула, артистле, врачла, устазла эм башхала да бардыла.

Быйыл  октябрьни ахырына дери кюч структуралагъа эм башха ведомстволагъа энчи кийимле,  башха  затла да тикген «Воентекстильпром» биригиу  Прохладный шахарда уллу мекямларындан бирин хайырланыргъа берирге мурат этеди, деп билдириледи КъМР-ни Промышленность, энергетика эм сатыу-алыу министерствосуну телеграм-каналында. 

Кёп болмай Республикагъа оноу этиу арада бардырылгъан тюзюнлей эфирге КъМР-ни къурулуш эмда жашау журт-коммунал мюлк министрини къуллугъун толтургъан Андрей Журавлёв къатышханды. Ол тынгылаучуланы эм ведомствону келечисини сорууларына жууапла бергенди, бёлюмде бардырылгъан ишлени, ол санда социал магъаналы объектлени, къурулушларыны, аланы болжалларыны, келир заманнга умутланы юслеринден да айтханды. 

Къарындашлыгъыны кючю
Халкъны бирлигини кюнюне жораланып Нальчикде «Кючюбюз бирликдеди» деген ат бла тёрели республикалы фестиваль ётгенди. Ол Къабарты-Малкъар къырал университетни алим советини залында «Халкъланы бирликлери – Хорламны ёзеги» деген конференция бла башланнганды. Аны КъМР-ни Миллетлени ишлери эмда жамауат проектле жаны бла министерствосу, Россейни халкъларыны ассамблеясыны регион бёлюмю,

Маданият фонд, Халкъла аралы черкес ассоциация, КъМКъУ къурагъандыла.

Кёп болмай «Жашау этерча инфраструктура» миллет проектге кёре  «Прохладный-Эльбрус» трассадан Нейтриногъа элтген Губасанты жолгъа тынгылы ремонт этилип бошалгъанды. Жангыртыу   ишле 1,5 километр  тенгли бирде тамамланнгандыла, деп билдиредиле КъМР-ни Транспорт эмда жол мюлк министерствосуну пресс-службасындан.