Календарь событий

Харбызланы сатыу кёп да бармай  башланырыкъды. Аланы Россейге тышындан да келтиредиле, кеси регионларыбызда да ёсдюредиле.

Наркотиклени законсуз сатыу-алыугъа къажау излеу-тинтиу жумушла бардыргъан кезиуде Россейни ФСБ-сыны КъМР-де Управлениясыны келечилери полициячыла бла бирге 42-жыллыкъ нальчикчини бла Нартандан 24-жыллыкъ тиширыуну бузукъчу ишлерин тохтатхандыла.

Россейни ФСБ-сыны КъМР-де Управлениясыны келечилери, полициячыла бла бирге миллет табийгъат байлыкъны сакълаугъа бурулгъан излеу-тинтиу жумушла бардыргъан кезиуде Черек районну эки инсаныны бузукъчу ишлерин тохтатхандыла.

Огъары Жемталада поликлиниканы жангырыту къыстау барады. Аны башы, терезелери алышыннгандыла, ичин тапландырыу ишле толтуруладыла.

1418 кюнню бла кечени баргъанды анга дери болгъанланы барысындан да кюйсюз эм къанлы къазауат – Уллу Ата журт уруш. Аланы хар бири да кишиликни, батырлыкъны эмда ётгюрлюкню излегендиле. Жаланда алай бла жетерге боллукъ эди Уллу Хорламгъа. Аны ючюн кёпле жанларын бергендиле эмда къанларын тёкгендиле.

Телефон бла сёлешип, адамланы алдап,  ахчаларын алгъан кезиуле, айхай да, чыгъа турадыла. Бу жол Нальчикде полициячыланы болушлукъларын Элбрус райондан эллижыллыкъ эр киши излегенди.

Солурдан алгъа адамла барлыкъ жерлеринде къаллай онгла болгъанларына, къонакъ юйлени халларына дайым къарайдыла. 

Биринчи дуния урушха къатышхан таулу жашланы араларында Гелястанланы Ибрагимни жашы Кёккёз бар эди. Ол Къарпат тауланы тийресинде бардырылгъан къызыу сермешледе кишилигин кёргюзтюп, сыйлы саугъалагъа тийишли болгъанды. Ол санда Георгий жорну юч даражасы берилгенди анга. Аллай махтаугъа уа кёпле жеталмагъандыла. Саугъаларыны бирини берилгенини юсюнден былай айтылады: «Шутромице элни къатында къызыу сермешни кюнюнде, топ-окъ атылгъанына да къарамай, тасхагъа барып, уллу магъаналары болгъан шартланы мажарып келтиргенди, андан ары бардырылгъан чабыуул жетишимли болуруна себеплик этгенди».

Жер башында болгъан табийгъат байлыкъладан, баям, суу эм магъаналыгъа санала болур. Ансыз жашау жокъду - ол баямды. Суу бла къалай хайырланабыз, аны къалай ичебиз деген соруулагъа кёпле жууапла излейдиле. Биз Роспотребнадзору сайтында болгъан билдириуле бла сизни шагъырей этебиз.

Келир беш-алты жылны ичинде Шимал Кавказ федерал округда агропромышленность бёлюмге кёп къалмай 200 миллиард сом багъасына инвестицияла этилирге боллукъдула. Аны юсюнден Россельхозбанкны башчысын экинчиси Денис Константинов алгъаракъда ётген Кавказ инвестиция форумну кезиуюнде айтхан эди, деп билдиргендиле КъМР-ни Экономиканы айнытыу министерствосундан.

Тырныауузда жашагъан Холамханланы Маратны къызы Алина Элбрус районну жер-жерли администрациясыны пресс-службасыны таматасыды, районну профсоюзларыны комитетини келечисиди, жаш тёлю политика жаны бла советини секретарыды. Андан сора да, бюгюн-бюгече да окъууун тохтатмайды, бийик билим алгъанды. Россей даражада бардырылгъан кёп тюрлю программалагъа бла грантлагъа тири къатышады. Ол бюгюн бизни ушакъ нёгерибизди.

Багъалы окъуучуларыбыз!

 «Заман» миллетибизни жангыз газетиди. Ол халкъны къыраллыгъыны бир белгисиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

1741 жылда Россейде патчахлыкъгъа Биринчи Пётрну къызы императрица Елизавета орналады. Жети жыл озгъандан сора, белгили орус алим Михаил Ломоносов анга атап махтау ода чыгъарады. Анда ол Елизаветаны кётюреди, сый-намыс береди, ол къыралгъа башчылыкъ этген кезиу Пётрну заманларындан аз тауушлу болмазлыгъына толу ийнаннганын айтады.

«Госуслуги» къырал порталда шахар къурулуш планны къалай алыргъа боллугъуну юсюнден Къабарты-Малкъарны Къурулуш эмда жашау журт-коммунал мюлк министерствосунда ангылатхандыла.