Календарь событий

Кёп болмай Къабарты-Малкъар къырал университетде юристлени  тёртюнчю  халкъла аралы илму-излем конференциялары болгъанды. Анда   хакъсыз  болушлукъ тапдырыуну   амаллары эм къыйматлыгъы да  сюзюлгенди.

 Алгъын заманлада  малкъар элледе жашагъан уланла жигитликлери бла атларын айтдырып болгъандыла. Бюгюн газетни сайтында белгили уучуну Уллубашланы Башулукну жашы Уучуну юсюнден кёп жылланы редакция бла байламлыкъ жюрютюп тургъан Туудуланы Борисни хапарын басмалайбыз.

Бу кюнледе КъМР-ни халкъ поэти закий Къайсын дуниядан кетгенли 40 жыл толгъанды. Аны бла байламлы биз поэтни жашаууна, чыгъармачылыгъына энтта да бир къайтабыз, назмуларын эсгеребиз, окъуйбуз. 

Озгъан ёмюрню жетмишинчи жылларында къыралыбызны эллеринде, шахарларында Уллу Ата журт урушда ёлгенлеге эсгертмеле ишленнгендиле.

Кёп болмай  Къабарты-Малкъар къырал университетни  Элбрусда билим бериу-илму комплексинде «Электроникада микро эм  нанотехнологияла» деген онбешинчи халкъла аралы илму-техника конференция бардырылгъанды, деп билдиргендиле вузну пресс-службасындан.

Нальчикде къурулуш предприятияны мурдорунда биринчи тюзетиу ара ачылгъанды, анда эркинликлери сыйырылгъан эллиден аслам адамны тутаргъа жарарыкъды.

Хурметли жамауат! Ана тилибизде чыкъгъан газетибиз къыраллыгъыбызны белгилеринден бириди. Аны таулу юйюрледе окъулуу, кёрюнюую къууанчды, ёхтемликди.    Ол кесибизни ёз халкъыбызны адамына санагъаныбызны шартыды, сабийлерибизни, туудукъларыбызны тюз ёсдюрюуню, ана тилибизни, маданият хазнабызны сакълауну себебиди.

Шёндю Россейни почтасыны бёлюмлеринде 2025 жылны экинчи жарымына жазылыу кампания къыстау бардырылады. Газетни алты айгъа багъасы 1081 сом бла 56 капекди.

Бир танышыма тюбеп, ушакъ эте келгенимде, ол,  художник -Аналаны Омурбекни жашы  Муратны таныймыса, деп сорады. Атын эшитгенме, таныгъан а этмейме, дегенимде аны юсюнден кёп сейирлик хапар айтханды. Эки жыл мындан алгъа Москвада  «Альперт» галереяда аны суратларыны энчи кёрмючю ачылгъаныны юсюнден да билдиргенди. Андан сора Муратны суратларын табып къарайма, кеси бла да  ушакъ этеме.

Жайда кёпле жол кёллю боладыла. Тенгизле, таула чакъырадыла бизни. Алай жангылыкълада солургъа баргъан жерлеринде адамланы ёлюп къалгъанларыны юслеринден окъусанг, сагъышлы боласа. Керекмиди солууну аллында врач бла кенгеширге? Жюреклери ауругъанла кеслерин къалай жюрютюрге керекдиле жайда? Бу соруугъа   кардиолог Асанланы Джамиля  жууап  бергенди: