Календарь событий

Ишибиз бла байламлы биз кёп сейир адамларыбызгъа тюбей, аланы хапарларына тынгылай, аз кере сагъышха къалмайбыз. Усталыкъ жолумда тюбегенлеримден бири эди Бийчеккуланы Хажи-Мурат. Хурметли ветераныбыз бла танышханымда уа анга 88 жыл толгъан эди, алай эсе да, аны тирилигине ким да сукъланып, сейир этерча эди. Андан бери иги кесек заман да озгъанды, хурметли къартыбыз дуниясын да алышханды.

Фольклорубузну эм эрттегили жанрларындан бири элберледиле. Ала жаз тил бла айтылып, тюрлю-тюрлю затланы белгилеп, соруу-жууап формада къураладыла, адамланы акъылларын, эслиликлерин жютю этерге себеп боладыла эм эсеп оюннга юйретедиле. Элберле асламысында табийгъатны болумлары, хайыуанла, жаныуарла, адыр-сауут эм кёп башха затлада жер табадыла, асламысында адам улуну урунуу тёрелери бла, урунууда хайырланнган адырлары, сауутлары бла байламлыдыла.

Къабарты-Малкъар къырал аграр университетде «Фермерни школу» ачылгъанды. Аны бла байламлы жыйылыугъа КъМР-ни экономиканы айнытыу министрини орунбасары Ольга Белецкая да къатышхан эди, деп билдиргендиле министерствону пресс-арасындан.

1986 жылда 26 апрельде адам улуну тарыхында эм уллу техноген аварияладан бири болгъанды: ол кюн Чернобыльде атом электростанция (АЭС) чачылгъанды. Аны хатасы къуру Совет Союзгъа угъай, талай къоншу къыралгъа да жетгенди, радиацияны заранлы кючюн сынагъан адамланы саны уа къайда кёп болгъанды.

Уллу Ата журт урушну кезиуюнде фашист Германияны ууатыугъа, битеу совет халкъ бла бирге, Къабарты-Малкъарны жашлары бла къызлары да тири къатышхандыла. Урушну биринчи кюнлеринден республикада душманнга  къажау кючлени жыйышдырыу, экономиканы аскерни кереклерин жалчытыугъа буруу баргъанды. Бизни республика Хорламны  жууукълашдырыугъа не къыйын салгъаныны юсюнден тарых илмуланы доктору Сабанчыланы Хаджи-Муратны статьясын басмалайбыз.

Малкъарда малны союу, санлау эм сыйлау адетлени къалай сакъланнганыны юсюнден хапарланы басмалай туруучубуз. Бу материал а кёп тинтиуледен къуралып, ол тёребизни тасхалы, аны бла бирге унутулгъан да шартларын, тарыхлы ызларын да ачыкълайды. Бу магъаналы жазма басмаланнган да этгенди, алай окъуучуларыбыз аны юсюнден соруп, ангылатыула излеп сёлешгенлей тургъанлары ючюн, аны къатлап, жангыдан басмагъа хазырлап номерибизде беребиз, аны буруннгу адетлерибизни сакълаугъа да себеплик этеригине ийнанып.

Россейни Президентинде Халкъ мюлкню бла къырал къуллукъ этиуню академиясы баш управленияда ишлерик инсанланы хазырлагъан «Къырал эм бизнес: синергетиканы онглары» деген окъутуу кесеги бошалгъанды.

Тюкенледе сатылгъан ашарыкъланы качестволары жазылгъан мардаларына келишмегенлерини юсюнден кёп жерледе айтыла турадыла. Биз ара басмада ол жаны бла белгили россейли экспертлени оюмлары бла сизни шагъырей этебиз.