Календарь событий

«Заман» газетни жууаплы секретары Токълуланы Борис бла КъМР-ни Басма эм информация министерствосунда ишлегенимде танышхан эдим. Ол заманда анга, «Заманны» рекомендациясына кёре, басмада кёп жылланы ахшы урунуп келгени ючюн, республиканы Правительствосуну сыйлы грамотасын бередиле. Къагъытланы жарашдыра туруп, ишини, жашаууну юсюнден да хапарлашхан эдик. Махтауланы, саугъаланы артыкъ уллу излемеген жашха ушагъан эди ол.

Малкъар халкъ не заманда да малчылыкъ бла кюрешгенди, аны себепли этден ашарыкъладан да бай болгъанды. Аланы бир къауумуну бюгюнлюкде жарашдырыу амаллары, аны къой да, атлары унутула барадыла. Кеси заманында хурметли тамата, халкъны тин байлыгъын иги билген Толгъурланы Бекмырза бизге кёп материалла жазып жибериучю эди. Аланы сюйюп басмалап тургъанбыз. Бюгюннгю номерибизде да Бекмырзаны этден хазырланнган бир-бир ашарыкъланы юсюнден жазгъан къыйматлы материалын эсибизге салайыкъ.

«Хорламны эстафетасы» битеуроссей акциягъа республикабыз тири къатышады.

Патчах Россейни аскеринде къуллукъ этип тургъан Абайланы Асланбек кеси заманына кёре жарыкъландырыу ишни сюйген, юйюрюн да ол иш бла кюреширге кёллендирип, билимлиле болурларын излегенди. Аталары айтханны этип, Солтанбек бла Ханифа музыканы бла жарыкъландырыу ишни сайлайдыла.

Алгъаракълада каналладан биринде «Подольские курсанты» киногъа къарагъанма. Анда 18-20-жыллыкъ жаш адамла, шёндюгю кёз бла къарагъанда, алагъа сабийле дерге да боллукъду, душманны Москвагъа къоймаз ючюн этген жигитликле, ала сынагъан къыйынлыкъла, урушну кюйсюзлюгю ачыкъ кёргюзтюлгенди. Уллу Хорламны аллында урушну юсюнден кинола кёргюзтген тёреди, алау бу сериал а жюрегиме жетгенди.

Республикабызны дорбунлары спелеологланы сейирлерин дайым къозгъагъанлай турадыла. Кёп болмай а кезиулю жолоучулукъ да болгъанды.   Ол талай кесекден къуралгъанды, аланы кезиулеринде къыйынлыкъларына кёре экинчи къауумгъа кирген карст дорбунлагъа барыргъа, спелеологиягъа энди келген ишчилени усталыкъны энчиликлерине тюшюндюрюрге, аланы энчи снаряжение бла ишлерге юйретирге, совет кезиуледе туристле келиучю, алай бусагъатда хазна бир инсаннга белгили болмагъан дорбунланы къагъытха тюшюрюрге мурат барды.