Календарь событий

Малкъарны эрттегили эллеринден бири Мукушду. Ол Черек ауузунда, Чайнашкы сууну жагъасында, кюнлюм бетде орналыпды. Бийикде орналгъаны ючюн узакъдан да кёрюнеди. Кёп жылланы жашау къайнап тургъан элде бюгюнлюкде таш хурула, оюлгъан къабыргъала, хунала сюеледиле.

КъМР-ни Башчысы Казбек Коков жер-жерли самоуправление органлада ишлегенлени профессионал байрамлары бла алгъышлагъанды. 

Бизни штатда болмагъан корреспондентибиз Кючмезланы Айза кесини жашауунда болгъан бир чам хапарчыгъын жазып ашыргъанды да, бюгюн сизни аны бла шагъырей этерге сюебиз.

Тиширыула тюбешип, ушакъ бардыргъан кезиуде бир бирлерини чачларына эс бурадыла. Ариу, къалын чач а хар адамгъа да табийгъат берген саугъады.

Шёндю специалистлени оюмларына кёре, ичерге да, аш биширирге да шешалада болгъан сууну хайырланса игиди, деген оюм барды. Аллай орунлада болгъан суу хар жаны бла да бирча хайырлыды деп айтыргъа уа къыйынды - къайдан алыннганы, игилиги-аманлыгъы, къалай тазаланнганы бла да. Келигиз, сууну юсюнден бир бёлек билдириуню тинтейик.   

Къайсы миллетни алып къарасанг да, хар тукъумну да кесини тарыхы болгъанды. Малкъар халкъда да, мени акъылыма кёре, тукъумланы тинтгенде ачыкъланнган шартла адамны сейирин къозгъайдыла. Кесини ата тукъумуну юсюнден Чегембайланы (Баразланы) Музафарны жашы Зуфар 2006 жылны март айында айтхан эди. Ол замансыз дуниясын алышханлы бир талай жыл болады.

Уллу Ата журт уруш башланнганда, Тёбен Чегем элде жашагъан Таппасханланы Къубадий немисли фашистле бла къазауатха 3 жашын ашыргъан эди. Исхакъ, Жабай эм Къубай, башха таулу жашлача, туугъан жерлерине, сюйген тауларына ууучлаучула жетмез ючюн жанларын-къанларын аямай урушхандыла.

Нальчикде «Каисса» арада шахматладан «Акъ ладья» деген аты бла республикалы эришиу бардырылгъанды. Анга районладан бла шахарладан он къауум къатышхандыла.

Мындан 79 жыл алгъа, 1941 жылда 22 июньда, фашист Германия Совет Союзгъа чапханы бла Уллу Ата журт уруш башланнганды.  Немислиле бла бирге  Венгрияны, Италияны, Румынияны, Финляндияны аскерлери да анга къажау сюелгендиле.  «Барбаросса» планны жарашдыра туруп, гитлерчи командованияны Совет Сауутланнган Кючлени бир ай бла жарымны ичинде ууатыргъа деп аллай умуту болгъанды.

Алгъын заманлада Малкъарда жашагъан уланла жигитликлери бла атларын айтдырып болгъандыла. Бюгюн белгили уучуну Уллубашланы Башулукну жашы Уучуну юсюнден хапарны басмалайбыз.

Иесиз итледен хата болмазча мадарла этиледиле, болсада орамлада, кёп къатлы юйлени арбазларында ала, айхай да, кёрюнедиле, адамланы сагъайтадыла. Хауле ит бла тюбегенде не этерге кереклисини юсюнден къыралны кинология федерациясыны президенти Владимир Голубев  айтханды.