Календарь событий

 КъМР-ни Башчысы Казбек Коков Террорчулукъгъа къажау комиссияны бла  Оператив штабны бирге бардырылгъан жыйылыуун бардыргъанды. Аны юсюнден республиканы оноучусу кесини телеграм-каналында билдиргенди.  

Къалай-алай десек да, халкъыбызны юс эм аякъ кийимлери тюзледе жюрюген хоншуланыкъыладан башхаракъ болгъанды. Нек дегенде таулада жашау бир кесек къарыу да, кюч да излейди.  Кийимибиз да анга кёре жарашдырылгъанды.

Быйыл «Россети Северный Кавказ» «Каббалкэнергону» келечилери билимлерин ёсдюрюрча 7,7 миллион сом бёлюнюрюкдю. Анга кёре 1 928 чакълы специалист Москвада «Интеграл», Санкт-Петербург, Ессентуки, Нальчик шахарлада энергокюч жаны бла институтлада эм «Каббалкэнергону» мурдорунда тийишли курсланы ётерикдиле.

Къырал автоинспекторла «Жолда жарыкъ бол!» ангылатыу жумушла бардыргъандыла. Анга Черек районну къошакъ билим бериу учрежденияларыны окъуучулары къатышхандыла.

Росгвардияны КъМР-де Управлениясыны къуллукъчулары МЧС-ни келечилери бла бирге от тюшген кезиуде бирге ишлеуню жорукъларын сынагъандыла.

Федерал налог службаны Къабарты-Малкъарда бёлюмюнден билдиргенлерине кёре, контроль-касса техниканы (ККМ) хайырланыу жаны бла жорукълагъа быйыл 1 мартда тюрлениуле кийирилгендиле. Сёз анда быллай затланы эсепге салыуну, касса чеклени бериуню эмда бу техниканы ишлетгенде башха энчиликлени юслеринден барады.

Грозныйде джиу-джитсудан Россейни чемпионаты бардырылгъанды. Анга къыралны жер-жерлеринден эки мингнге жууукъ умутландыргъан спортчу къатышхандыла. 

Черек районну жаш спортчулары кезиулю хорлам келтиргендиле. Бу кюнледе Пятигорскда боксдан халкъла аралы категориялы  судья Б.Савин атлы эришиуле болгъандыла. 

Бюгюн республиканы битеу школларында Уллу Хорламны 80-жыллыгъына аталгъан олимпиадала бардырыладыла. Алагъа 5-11классладан 72 окъуучу къатышадыла. 

Бийик билим бериу учрежденияланы келечилери, жаз башында, жайгъа жууукъ кезиуледе орта школлагъа атланып башлайдыла. Онбиринчи классны тауусурукълагъа алада къаллай усталыкълагъа окъургъа боллугъун ангылатадыла, бу жаны бла жашау жолларын сайларгъа болушадыла.

Къабарты-Малкъар къырал аграр университетде «Жылны устасы» деген Битеуроссей педагогика конкурсну регионда кезиуюню бир кесеги ётгенди.

«Россия – Исламский мир: KazanForum» халкъла аралы экономика форумгъа хазырланыу бара турады. Бу кюнледе аны  къурау комитети РФ-ни Правительствосуну Председателини орунбасары Марат Хуснуллинни башчылыгъында форумну бардырыу бла байламлы ишлени сюзгенди. Ол жыйылыугъа КъМР-ни Башчысы Казбек Коков да къатышхан эди.

2005 жылны аллында Нальчикде Аэропорт къатында орналгъан бир фатарда отузунчу жыллада Совет Союзда белгили геолог-нефтяник болуп ишлеген Моллаланы Исмайылны жашы Жамал-Эдин бла тюбешеме, атасыны  юсюнден хапар сорургъа. Ол заманда Жамал мында жашай эди, юй бийчеси бла,  сагъынылгъан юйню онбиринчи этажында. «Кюн сайын балконнга чыгъып, эрттенликде таулагъа къарап, табийгъатны ариулугъундан зауукълукъ алып турама, сиз мында жаннет ичинде жашайсыз», - деп,  башлагъан эди ушагъын.

Жай,  къыш болсун, солургъа баргъанда, тохтагъан къонакъ юйде  хамам болгъанын эшитгелей, анга ашыгъабыз. Алай ол хар адамгъа да жарашамыды? Не хайыры барды? Аны юсюнден врач Балаланы Танзиля бла ушакъ этгенбиз.

Миллетибизни келечилери кёп тыш къыраллада жашайдыла, ол санда Тюркде да. XIX ёмюрню экинчи жарымында Кавказдан Тюркге бир ненча минг къарачайлы бла малкъарлы кёчюп кетгендиле. Андан бери 140 жыл озгъанлыкъгъа, ала тамырларын, тиллерин, тёрелерин унутмагъандыла. Ол угъай, туугъан жерлерине итине, бир маданият майдан къураргъа сюедиле.