Календарь событий

 Махийланы Асият, Таппасханланы Мухадинни къызы, устазлыкъгъа жашаууну элли жылын жоралагъанды. Бюгюнлюкде ол солуудады. Устазлыкъны сайларча да аны жашауунда юлгюсю болгъанды.

Ата журтну къоруулаучуну жылында республиканы Саулукъ сакълау министерствосу аскер къазауатланы ветеранларына диспансеризацияны ыйыгъын бардырады. Аланы саулукъларына битеу медицина учреждениялада къаралады. 

Кубада 1962 жылны октябрь айында болгъан къаугъа – «кариб кризисни» - юсюнден кёп жылланы  ачыкъ айтыр амал болмай тургъанды. Токъсанынчы жыллада уа аны бла байламлы шартла туура бола башлагъан эдиле. Ол мамыр жыллада, жашауларына къоркъуу бола тургъанына да къарамай, жер башын уллу палахдан къутхарыр ючюн,  Кубагъа барып, анда аскер борчларын намыслы толтуруп къайтханла кёп болгъандыла.  Биттирланы Къарайны жашы Къаншау да аладан бири эди.

Муслийманла исламда эки уллу байрамладан бирин - Оразаны белгилерге хазырланадыла.  Рамазан айда сау кюнню кеслерин ашдан, суудан, аман ишледен, къылыкъладан тыйып, Аллахха табынып, тилекле этип, дууала тутуп, жандауурлукъ ишле толтуруп тургъанла къаллай саугъагъа тийишлидиле. 

Онсегизинчи ёмюрню экинчи жарымында Москвадан башланнган жаланда почта жолланы узунлугъу онжети минг километрге жете эди. Ол кезиулеге бек уллу кёрюмдю болгъанлыкъгъа, аланы ишлеу амалла уа артыкъ жангычылыкъла бла белгили тюйюл эдиле, кёбюсюнде жолланы жерни тюзетип эмда агъач бла кючлендирип ишлегендиле.

Ашыкъ оюн халкъыбызда келген оюнладан бек эрттегилиди. Аны уллу, гитче да бек сюйгендиле. Анга кёп адам къатышыргъа болады. Бюгюннгю жаш тёлю аны къалай ойналгъанын хазна билген да этмейди, жарсыугъа. Ол себепден юйретиучюле, сабийле да аны юсюнден бир аз толуракъ билсинле деген мурат бла бу къысха статьяны жарашдыргъанбыз.