Календарь событий

Жашауда кёп тюрлю болумланы сынаргъа, кёрюрге тюшеди. Бу хапарны автору Темуккуланы Адил да чыгъарманы жигитини сыфатын керти жашаудан бир элли таулу жашны юлгюсюн алып къурагъанды. Автор бизге, окъуучулагъа, арабызда тюз акъыллы жаш адамла ёсюп келгенлерине къууаннганын айтыргъа излеп жазып жибергенди бу хапарны.

Шимал Кавказда юч регионда, ол санда Къабарты-Малкъарда да, 60 километр чакълы федерал жоллагъа чайыр жаяргъа умут болгъанын билдиргендиле «Кавказ» управлениядан. Бу ишни эки кезиуге бёлгендиле: 27 километрин быйыл тамам этерикдиле, къалгъан кесегин а келир жылда жангыртырыкъдыла.

«Единая Россия»  политика партияны жамауат штабында  Тиширыуланы халкъла аралы кюнюн концерт бла белгилегендиле. Аны  «Патриот»  регион жамауат биригиу къурагъанды. 

Къарачай-Черкесни ара шахары Черкесскде тхэквондону ВТФ-тюрлюсюнден 15-17-жыллыкъ спортчуланы араларында битеуроссей эришиу къуралгъанды. Анга къыралны 28 регионундан 223 адам къатышхандыла, ол санда Къабарты-Малкъардан да - сегизеулен.

Озгъан ёмюрню биринчи жарымында халкъыбызда аты айтылгъан жашладан бири Быллымдан Сарыланы Алий эди. Революцияны кезиуюнде, жарлы халкъгъа иги жашау келтиреме деп, большевиклеге къошулуп, байла-бийле, акъ аскерле бла къаты кюрешгенди. Ючеулен болгъан суратда сол жанындан биринчи олду.

Къабарты-Малкъарда бизнес бла кюрешгенлени кредит портфельлеринде былтыр 38,7 миллиард сом жыйылгъанды. Ол жылны ичинде аны ёлчеми алты процент къошханды, алай буруннгу жыл бла тенглешдиргенде уа,  эки кереге азайгъанды, дегендиле Россейни Банкыны республикада бёлюмюнде.

Немис фашистле Къабарты-Малкъаргъа 1942 жылда 26 октябрьде киргендиле. Кёнделеннге, башха тау эллегеча, ол кюнледе жетгендиле. Батырбийланы Жарашны жашы Омарны жигитлик таурухха ётюп кетген хапары да ол кюн башланнганды. Ол, тамата лейтенант, урушда ауур жаралы болуп, сакъатлыгъы ючюн юйюне къайтып тура эди. Мина сыныкъ сакъал сюегини жартысын алып кетип, ол алайны жабып жюрюгенди. Жашланы урушха хазырлагъанды. Ол кюн Омар элни баш жанындан кирген атлыланы арасында офицерни ёлтюргенди. Душман элге андан арысында берген палах аны ол хорламын унутдургъан эди.

Иели юй ишлегенде эскроу счётну хайырланыуда жангы жорукъ кийирилгенди. Бу айны биринчисинде кюч алгъан 186-ФЗ номерли федерал законну хайырындан къурулуш бёлюмде болум ачыкъ халгъа тюрленип башларыкъды, адамланы сейирлери уа игирек къорууланырыкъдыла, деп айтылады Россейни Банкыны билдириуюнде.

Хорламны поезди Нальчикде болгъанды, дунияда биринчи кере къуралгъан интерактив кёрмюч ара шахарыбызда эки кюнню ишлегенди. Анга къараргъа аслам инсан – къуллукъчула, абаданла, сабийле, жаш адамла да – жыйылгъандыла.

Эшитиуню битеудуния кюнюнде врачла-сурдологла сангырау адамлагъа толу жашау этерге къалай болушханларыны юсюнден билгенбиз.

«Ата журтну къоруулаучулары» фондну регион бёлюмюнде энчи аскер операциягъа къатышханлагъа, СВО-ну ветеранларына эм аланы юйюрлерине хакъсыз юридический болушлукъ бериледи.

Быллымда жашагъан Беккиланы Омар газет бла байламлыкъны эрттеден бери жюрютеди, изданиябызны чынтты шуёхуду. Бу кюнледе ол Малкъар халкъны жангырыу кюнюне жоралап материал ийген эди, аны бла сизни шагъырей этебиз.