Календарь событий

Бу хапарны автору Огъары Малкъардан бизни хурметли окъуучубуз Темуккуланы Адилди. Аны сюжетлери барысы да хазна къалмагъанлай жашаудан алыннганладыла, бу жазманы жигитлери да болгъандыла жамауатда, аланы жашау болумлары тюшгендиле хапарны ёзегине. Сыйлы окъуучубузну бу тизгинлени магъаналары да жюреклерине жетерик болурла.

Нальчикде «Динамо» общество къурап ётдюрген битеуроссей эришиуле башланнгандыла. Бу турнир Ата журтну къоруулаучуну кюнюне бла Уллу Хорламны 80-жыллыгъына жораланып бардырылады. Анга 15-16-жыллыкъ боксчула къатышадыла.

Адам болгъан, адамлай къалгъан не болумда да эм баш, эм биринчи борчду хар инсаннга да. Ол борчну ким, къалай элтгени бла бек къысха, бек терен байламы жангыз да аны кишилигиди. Башха сёзле бла айтханда, ма ол борч бла кёрюнеди къайсы адамны да магъанасы, анга кёре бериледи анга даража. Ма бу тизгинле келедиле бусагъатда кёлюме, деп жазгъанды КъЧР-ни халкъ поэти Додуланы Аскер. Бюгюн аны материалы бла сизни шагъырей этебиз.

Кёп болмай ачылгъан спортну къыш тюрлюлеринден эришиуле бардырыргъа ачылгъан «Нальчик-аренада» Омск областьны  жыйымдыкъ командасыны эришиулери бардырыла турадыла. Аны юсюнден КъМР-ни Башчысы Казбек Коков кесини телеграм-каналында билдиргенди.

Къол хунерлери бла айырмалы болгъан адамларыбызны арасында кеслерини билгенлерин бирсилеге да тюшюндюрюп, аладан ыразылыкъ табып ишлегенлерибиз аз тюйюлдюле. Аллайладан бири уа Хочуланы Захидады. Ол Быллымда битеулю билим берген мектепни жетишимли бошагъандан сора, жюрегини излеми бла Нальчикде производстволу комбинатда быстыр тигерге юйреннгенди. Ызы бла уа хунерин Тырныауузда кийим тикген цехде хайырланнганды.

Быйыл 25 февральда КъМР-де МВД-ны наркотиклеге къажау кюреш бардыргъан управлениясыны къуллукъчулары Нальчикде Пачев атлы орамда алгъын да бир ненча кере жууапха тартылгъан 46-жыллыкъ тиширыуну тыйгъандыла.

Россельхозараны Къабарты-Малкъарда бёлюмюнде алгъаракъда бардырылгъан кенгешде бу ведомствону былтыргъы ишини эсеплерини юсюнден сёлешгендиле эмда быйылгъа борчларын да белгилегендиле. Жыйылыугъа республиканы эл мюлк министрини орунбасары Мачраил Шетов, «Россейни таянчагъы» битеуроссей жамауат биригиуню регионда бёлюмюню башчысы Альберт Кильчуков эм башхала къатышхан эдиле.

РАН-ны Къабарты-Малкъарда илму арасыны алимлери «Акъыллы сабан» деген жангы амал къурагъанды. Айтханларына кёре, ол эллилеге нартюх ёсдюрюрге себеплик этерик затды, кеси да сабанланы тинтгенде эмда болгъан кемчиликлени ачыкълагъанда шёндюгю цифралы амалланы хайырланады.

Малкъар халкъгъа Орта Азиядан туугъан жерлерине къайтыргъа эркинлик бергенлеринден сора кёп таулула юй-журт ишлеп, Кавказгъа къайтмай, жашауларын андан ары бардыргъандыла, ишлегендиле, сабийлерин ёсдюргендиле, юйдегили, юйюрлю этгендиле. Аллайладан бири Мечукаланы Маштайны жашы Магометни юйюрю эди. Бюгюннгю хапарыбыз да аны юсюнденди.

Терк районну билим бериу департаменти, «Терекалмаз» бла бирге, школчулагъа бу заводха экскурсия къурап, аланы анда болгъан онгла эмда инженер-техника усталыкъла бла шагъырейлендиргендиле.

Кёп болмай Къабарты-Малкъар къырал университетде  "Тамблагъы кюнню  лабораториясы" деген Шимал Кавказны жаш хунерлерин бирикдирген  уллу проект ишин башлагъанды.

«Гитче эмда орта предпринимательство, сора энчи предпринимательство башламчылыкъгъа себеплик этиу» миллет проект бардырылгъан кезиуде 2019 жылдан башлап былтыргъа дери Къабарты-Малкъарда гитче эмда орта предпринимательствогъа эм аз ёлчемли кредитле бериу Фонд быллай ахча излегенлени 631,2 миллион сом багъасына онгдургъанды. Аны бла битеу да 959 займ берилгенди, дегендиле республиканы Экономиканы айнытыу министерствосунда.