Календарь событий

«Саулукъ сакълау» миллет проектни «Биринчи медицина болушлукъ берген бёлюмню ишин игилендириу» регион программасына кёре беш жылны ичинде Нальчикни эм районла аралы больницаланы поликлиникалары   электрокардиографла (ЭКГ) бла жалчытылыннгандыла.

Быйыл оразаны биринчи кюню 1 мартха тюшгенди. Бу сыйлы айда муслийманла кеслерин къалай жюрютюрге кереклисини, ораза кимге тийишли болгъаныны эмда аны тутханла къаллай сууаплыкъ аллыкъларыны юслеринден белгили дин къуллукъчу Ахматланы Назир хажи бла ушакъ этгенбиз.

Биринчи номерли гимназияны мурдорунда «Нальчикде жылны устазы – 2025» усталыкъ эришиу къууанчлы халда  ачылгъанды. Быйыл анга 36 адам къатышырыкъды эмда ала кеслерини хунерлерин алты тюрлю бёлюмде – «Мектепни эм ахшы устазы», «Ана тилни бла маданиятны эм ахшы устазы», «Ахшы педагог - насийхатчы», «Ахшы жаш устаз», «Ахшы педагог – психолог», «Къошакъ билим бериуню эм ахшы устазы» - ачыкъларыкъдыла.

Татыулугъу эмда терк хазыр болгъаны бла таулу хычин кёп тюрлю  битеуроссей эришиуледе эм даражалы жерлени алгъаны белгилиди. Миллет ашарыкъларыбызны туура этерча амалла кёпдюле, ол жаны бла ишлерин бардыргъанлагъа себеплик этиу магъаналы ишледен бириди дерге боллукъду. Газетни бетлеринде, сайтында да ол темагъа дайым эс бурулады, миллет ашарыкъларыбызны тюрлюлюклерин басмагъа чыгъарсакъ, ол тарыхха тюшеди, келир тёлюлеге сакъланады.  

Россейни ФСБ-сыны КъМР-де Управлениясыны къуллукъчулары Экинчи Чегемден 49-жыллыкъ эр кишини аманлыкъчы ишин тыйгъандыла. Ол террористлеге ахча ётдюргенине ишеклик барды.

Къайсы кезиуледе эмда не тюрлю болумлада жашагъанларына да къарамай, хар кимге да тёре болуп къалмагъан батырлыкъ эмда жигитлик этгенле, къырал, бир жерлилери, жууукъ-ахлулары тюзлюк, азатлыкъ ючюн жанларын окъуна аямагъанла болгъандыла. Совет Союзну, ызы бла Россейни тарыхында аллайла кёп болгъандыла. Ала Сыйлы Георгий Победоносецни, артда уа Махтаулукъну (Славы) орденлери бла белгиленнгендиле.

Россельхознадзорну Шимал Кавказда регионла аралы управлениясы, «ВетИС» къырал системаны тинтген кезиуде, бир энчи предприниматель чыгъаргъан хумзуну ёлчеми, анга къоратылгъан сютге келишмегенин тохташдыргъанды.

Кёп болмай «ЭКО-культура» агропромышленный холдинг "Студентликни айы" деген проектни чеклеринде  онбеш окъуу учрежденияны  студентлери  бла тюбешиуле бардыргъанды, теплица комплексинде  экскурсияла эм  стажировкала да  ётдюргенди.

Газ бла жалчытхан компанияны келечилери кёк отлукъну къоркъуусузлу хайырланыу жорукъларыны юсюнден школлада дерсле бардыра туруучудула.

Къалай ариуду бу жер! Къалай айбатды бу эл! Бютюнда Азинат жашагъан кюнлюм бетни башындан энишге къарасанг. Бирде кюн таякъла, кюз арты аны аякъ тюбюне атхан алтын чапыракъланы малтап, чабадыла тау бетле таба. Бирде  жаз башында кюмюш жауун жауады, жоллагъа, юй башлагъа, сууукъ тие, адамланы ашыкъдыра, бир баш букъдурур жерге къачыра. Къышда уа акъ къар тазалайды жыл узуну жыйылгъан букъуну. Жатады, къошун, шифер,  къанжал юй башланы жамап, арбазланы бирге ушатып, гебенлени кёплюгюне къууандыра, башларына акъ боккала кийдирип. Бюгюн а кюн бла бирге лейсан жауун жауады.

Россельхознадзорну Шимал Кавказда регионла аралы управлениясында  быйыл  Къабарты-Малкъардан тыш регионлагъа карантин сертификатны жарашдырмай, 26,5 минг тонна мирзеу ташылгъанын ачыкълагъандыла. Специалистле аны «Аргус-Фито» эм «Зерно» къырал системалагъа къарагъанда тохташдыргъандыла.