Календарь событий

04 февраля 2025

Миллет тилле – интернет-сёзлюкде

Яндекс сёзлюкге Россейни миллетлерини тиллери да кёчюрюлюп башлагъандыла. Бюгюнлюкде анга осетин тил къошулгъанды, жууукъ заманда уа малкъар эм къабарты тилле да боллукъдула.

Жаш тёлю башламчылыкъланы бардырырча – «Студентни жери»

Къурулушчуланы хазырлагъан колледжде «Жаш тёлю политиканы битеулю халда айнытыу. Регион – жаш адамлагъа» федерал программаны чегинде «Студентни жери» деген майдан ачылгъанды.

Низам – къоркъуусузлукъну мурдору

Эки ыйыкъ мындан алгъа шахарны орамларында автомобильни жюрюте тургъанлай телефонланы хайырланнганланы эсеплеген камераланы орнатхандыла. Ол заманны ичинде быллай бузукълукъ этгенлеге эки жюз чакълы эсгертиу жиберилгенди. Бу тарихле жангызда бир болумгъа шагъатлыкъ этедиле – бузукълукъ этген водительле уллу кёллюлюклери ала элтген адамланы саулукъларына бла жашауларына къоркъуу салгъанына сагъышланмайдыла.

Аш-ашыкъны юсюнде билирге керекли затла

Арт заманлада тюкенледе сатылгъан ашарыкъланы качестволары жазылгъан мардаларына келишмегенлерини юсюнден кёп жерледе айтыла турадыла. Биз ара басмада ол жаны бла басмаланнган билдириулени беребиз.

«Тышлары асыры бек жылтыратылгъан кёгетле адамны саулугъуна къоркъуу чыгъарыргъа боладыла»

Чайгъа  бир татлы зат алсанг, аны юсюнде жазылгъан затланы окъусанг, бирде титиреген этесе, аны химиялы къошакъларын кёрсенг.  Биз аны бла байламлы врач Бёзюланы Залимхан бла ушакъ этгенбиз.

Жолла мардалагъа келиширча

Кёп болмай Чегем районда КъМР-ни Транспорт эмда жол мюлк министерствосуну келечилери, эллени, профильли бёлюмлени таматалары къатышып ишчи кенгеш болгъанды. Ол регион магъаналы жолла мардалагъа келиширча  тийишли ишлени бардырыугъа жораланнганды, деп билдириледи Чегем районну администрациясыны пресс-службасындан.

Адамлыкъ ышанланы къайда да сакълаялгъанды

Адамла кетген этгенликге, таматада аланы къагъытда андача кёргюзтюп, иш юлюшлерин алып тургъандыла. Жаш кесини жанын  къутхарып айланнганладан болмагъанды. Башхаланы къайгъысын да этгенди, болушургъа кюрешгенди.

Ата журтха сюймекликни айы башланнганды

Элбрус районда къоруулау ишни эм аскер-патриот юйретиуню айлыгъы ачылгъанды, ол Ата журтну къоруулаучуну жылына аталгъанды, деп билдиреди районну пресс-службасы.

 

Жигер урунуулары бла Уллу хорламны жууукълашдыргъандыла

1941 жылда 22 июньда немисли аскер бизни къыралгъа киргени бла совет халкъны мамыр жашауу тыйылгъан эди. Бир ыйыкъ озгъандан сора, ВКП(б)-ны ара комитетини эмда Совнаркоматны буйругъу бла гитлерчилени ууатыргъа деп къыралны битеу кючюн къолгъа алып, къаты къармашыргъа оноу этиледи. Отузунчу июньда Къоруулауну къырал комитетин къурап, битеу властьны анга бередиле. Халкъгъа битеу ишни аскер ызгъа кёчюрюп, душманнга ёз жерини бир юзюгюн окъуна бермезге борч салынады. 

Газетни тёрт айгъа алыргъа онг барды

Хурметли жамауат!

Бир тюрлю чурумла бла 2025 жылны биринчи жарымына сиз «Заман» газетге жазылалмай къалгъан эсегиз, халны тюзетирге онг барды. Февральны 21-сине дери почтагъа барып, бу жумушну къайгъысын кёрсегиз, ана тилибизде чыкъгъан жангыз изданияны  биринчи мартдан алып, окъуп башларыкъсыз.

Кёгетледен бла наныкъладан иги кесек жыйылгъанды

Былтыр Къабарты-Малкъарда мюлклени барында да 1 миллион тоннадан аслам   алма эм башха кёгетле бла наныкъла да   жыйылгъандыла. Былтыр бу заман бла тенглешдиргенде,  ол 30 процентге кёпдю, деп билдириледи КъМР-ни Эл мюлк министерствосундан.