Календарь событий

Госуслуги порталда Аманлыкъчыланы терсликлерине жолукъдурууну федерал службасыны жумушларын толтурургъа онг барды. Жангы бёлюмге  «Ресоциализация, жамауат жашаугъа сингдириу эм социал реабилитация» деген   ат берилгенди. Энди жууапха борчлу халда хакъсыз ишлеге тартылып, уголовный-толтуруу инспекцияда эсепде тургъан инсанла реабилитация жаны бла жумушланы алыр ючюн тилекни инспекторгъа неда Госуслуги порталда жазаргъа боллукъдула.

Россейни МВД-сыны Бахсанда  районла аралы бёлюмюню уголовный розыскыны полициячылары бир тиширыуну хыйлалыкъ этгенине ишекликде  тутхандыла.

Кёп фатарлы юйлени толусунлай жангыртыу фондну озгъан жылда ишини эсеплери чыгъарылгъандыла. Алагъа кёре аслам юйге къаралгъанды, жыйырма жети лифт алышыннганды.

Россельхознадзорну Шимал Кавказда бёлюмюню келечилери бу айны онбиринчисинде Прохладна районда Къарагъач элни къатында къадар жерде кир-кипчик тёгюлюп тургъанын эслегендиле. Тинтиулеге кёре, ол эл мюлкге жараулу сабан эди, аны 3,5 гектарында уа къалгъан-къулгъанла чачылып эдиле.

Эллерибизде ариу юйюр да ёсдюрюп, жамауат аллында ишлерин юлгюлю бардыргъан тиширыуларыбызданды Хабазны битеулю билим берген школунда орус тилден бла литературадан окъутхан Улбашланы Зайнаф. Ол,  билим бериу бла къадарын байлап, сабийлеге тил билимни, суратлау чыгъармаланы жорукъларын, энчиликлерин тюшюндюрюп келгенли уа энди отуз жылдан атлагъанды.

Шёндю къырал керти диннге берилгенлеге бир тюрлю чырмау этмейди. Алай бу огъурлу ишни ызындан кёп юйюрледе бир бирни ангыламаулукъ, гурушхалыкъ эсленеди. Нек? Ата-анала совет жыллада, ол заманны идеологиясында ёсгендиле. Сабийлери уа - динлеге, ийнаннган адамлагъа жол ачылгъан кезиуде.

КъМР-ни Транспорт эмда жол мюлк министерствосундан билдиргенлерича,  республикада «Къоркъуусуз эм тынгылы автомобиль жолла» миллет проектге кёре иги кесек иш этилгенди. Бюгюнлюкде аны чеклеринде регион эм  район магъаналы жоллагъа эм кёпюрлеге да   тынгылы ремонт  бардырылады.   

1904 жылда январьда японлу кемеле орус аскерле тургъан Порт-Артургъа чабыууллукъ этип, уллу халеклик саладыла. Алай бла орус-япон уруш башланады. Малкъардан да къатышхан эдиле анга жашла. Къызыу сермешледе кишиликлерин кёргюзтюп, сыйлы саугъалагъа тийишли болгъандыла. Аланы юслеринден  билгенибизни айтайыкъ.

Бизге редакциягъа келген къагъытланы, материалланы араларында бу статья тюшгенди къолубузгъа. Аны бизни штатда болмагъан корреспондентибиз Махийланы Азиза гитче заманындагъы сезимлерин жыйып, ёмюрде иесине жетмезлик, окъулмазлыкъ къагъыт этип жазгъанды. Аны бла окъуучуларыбызны шагъырей этерге сюебиз.                         

Туугъан жерине къайтханда, халкъы жокъ – кёчюрюлюп. Жууукъларыны юсюнден хапар излей, ала Ош  областьны (бусагъатда Баткен область) Кызыл-Къая шахарына тюшгенлерин тохташдырады. Заман созмай, юйюрю болгъан жерге атланады - уруш, къыйын жол, жаралары къарыуун алгъан адам атасына, эгечи Аминатха, юйдегисине, сабийлерине тюбегенде жюреги жарыйды.