|
Календарь событий
20 января 2025
20 января, 2025 - 13:42
Телефонла бла сёлешип, адамланы ахчасыз къойгъан амалыкъчыла осал ишлерин тыяр умутда тюйюлдюле. Алагъа алданмаз ючюн а, жамауатдан сакълыкъ, эслилик да изленеди.
20 января, 2025 - 13:38
Нальчикни ючюнчю поликлиникасына онкология аурууланы къозгъала тургъан заманларында тапхан жангы оборудование келтирилгенди.
20 января, 2025 - 13:37
Республикада жаш адамланы аскерде къуллукъ этерге эсепге салыу барады.
20 января, 2025 - 13:35
Жырчы эм тепсеу чыгъармачылыкъ къауумланы «Артиада» халкъла аралы эришиуге Россейден, къоншу къыралладан да чыгъармачылыкъ къауумла къатышхандыла.
20 января, 2025 - 12:51
Редакцияны жумушу бла эллерибизге айланнган кезиуюбюзде адамла бла тюбешсек, аланы асламысы халкъыбызны озгъан кюнлерине, маданиятына сейирлери болгъанын айтыучудула. Сёзсюз, тарыхыбызда, культурада да жанларын-къанларын аямай кюрешген жашла, къызла болгъандыла. Алай тюрлю-тюрлю сылтаула бла аланы атлары унутулуп, сагъынылмай къалады.
20 января, 2025 - 10:00
Быйыл Уллу Ата журт урушну кезиуюнде Ленинград блокада чачдырылгъанлы 81 жыл толады. Бу жигит шахар ачлыкъдан, сууукъладан, душманны топларыны чачылыуларындан да сынмагъанды, аны адамлары – сабийле, тиширыула, тамата тёлюню келечилери, туугъан шахарларына кертиликни юлгюсюн кёргюзтгендиле.
20 января, 2025 - 09:05
Кёп болмай, Лашкута элде жашагъан 85- жыллыкъ Улакъланы Мариям бла танышханма. Ол бу жыл санына дери ариу эшиу ызын сакълаялгъанды. Жюн созуп, халы хазырлап, аны омакъ накъышла бла эшип, элтип сатаргъа да ахыр жылгъа дери къарыуу жетгенди. Таулу тиширыуну къол фахмусуну юсюнден да бир кесек ушакъ этген эдим.
20 января, 2025 - 09:00
Махтаулукъну экинчи эм ючюнчю даражалы орденлери, Уллу Ата журт урушну 2-чи даражалы ордени бла саугъаланнган Батчаланы Къарабийни жашы Масхут Къашхатауда 1903 жылда туугъанды, Ата журт урушха дери «Къызыл Малкъар» колхозда ишлегенди, урунууда жетишимлери ючюн кёп кере саугъаланнган да этгенди. 1939 жылда уа аны Москвагъа ВДНХ-гъа жибергендиле. Уруш башланнганлай, 1942 жылда, аны асерге чакъыргъандыла, анда эки жылны къуллукъ этгенди. Экинчи кере жаралы болгъанындан сора, юйюне комиссовать этгендиле. Масхут насыплы къадарлы адамды – урушну, кёчгюнчюлюкню да азабын чегип, юй бийчеси бла жети сабий ёсдюргенди, 87 жылында ауушханды. Аны 35 туудугъу барды, аладан туугъанла да 60-дан асламдыла.
20 января, 2025 - 08:06
Озгъан ёмюрню отузунчу жыллары Совет Союзну терк айнып башлагъан заманы болады. Бизни къырал ол кезиуде граждан эмда аскер авиацияны чыгъарыуда алчыладан бири эди. Адамларыбызгъа аны юсюнден билдирир ючюн а агитациягъа да уллу магъана берилип тебирейди.
20 января, 2025 - 08:00
Адам улу балны бурунладан бери хайырланады. Испанияда къая бетледе табылгъан суратлагъа кёре, бизни эрагъа дери VII минг жыл алгъада окъуна адам бал чибинлени жайып кюрешгенди. Бал чибинле ташланы ичинде да табыладыла, алагъа, бир къауум оюмгъа кёре, 150 миллион жыл болады. Ол себепден бал не заманда да белгили болгъанды деп таукел айтырчады. Бюгюнлюкде балны юч жюзден артыкъ тюрлюсю барды. Ала тюрсюнлерине, къурамларына, ийислерине, татыуларына кёре да башхадыла.
|