Календарь событий

Жукъусуз бир кече тангнга чыкъсанг, ол кюн къыйналып тураса. Бир – бирде уа адам кёп жукълайды, алай эсе да, жукъудан а къанмайды. Ол не бла байламлыды? Аны юсюнден врач Мисирланы Хауа бла ушакъ этгенбиз.

Жангы жылны аллында МЧС-ни регионда бёлюмюню келечилери  маданият мекямлада бла сатыу-алыу бардырылгъан жерледе от тюшюуге къоркъуусузлукъну жалчытыу не халда болгъанын тинтгендиле.

Къоркъуусузлукъну жалчытыу федерал службаны чекчи управлениясы кесини жюзжыллыгъын белгилегенди. Байрамны чегинде Огъары Бахсанда бёлюмге Совет Союзну Жигити Матвей Меркуловну аты берилгенди.

Республикабызда сыйлы донорланы саны ёсгенди. Къан службада аланы саугъалау болгъанды. Къанларын къыркъдан аслам кере берген адамланы станцияда жылны ахырында саугъалау ахшы тёреге айланнганды. Аланы саулукъ сакълау министрни орунбасары Заурбек Батыров алгъышлагъанды.

Къабарты-Малкъарны Табийгъат байлыкъла эмда экология министерствосу Къызыл китапха кийирилген элли алтын тауукъну эркинликге жибергенди. Ала табийгъатда къанатлыланы бу тюрлюлерини санын кёбейтир муратда энчи болумлада ёсдюрюлгендиле. 

Алгъаракълада Къашхатауда  Мечиланы Кязим атлы китапханада «Ана тилни юсюнден ана тилде» деген ат бла  уллу иш бардырылгъанды. Школчула ана тиллеринде назмула окъугъандыла эмда аны билирге,  тазалыгъын сакъларгъа  керек болгъаныны юсюнден кеслерини оюмларын айтхандыла.

Кёп болмай Къабарты-Малкъар гуманитар-техника  колледжде окъугъанланы къаууму уллайгъанла тургъан  республикалы интернатны жокълагъандыла,  саугъала, ол санда аш-азыкъ  хуржунла  да хазырлап элтгендиле. Аны бла да къалмай, той-оюн да къурагъандыла.  

Бу жандауурлукъ ишге «Абилимпиксни» директоруну кенгешчиси Марина Ортанова, «Надежда» жамауат биригиуню келечилери  да къатышхандыла.

Малкъар ауузунда бир элде Осман эфенди деп биреу жашап болгъанды. Къуранны кёлден билгени ючюн жамауатда   намысы-сыйы жюрюгенди. Бир кюн аны излей межгитге бир тиширыу келгенди. Къызыма кёз тийгенди, дууа этип, аны кетерсенг эди, деп тилегенди. Ол тиширыуну кёргенлей окъуна эфендини жюрегин сюймеклик бийлегенди. 

Росгвардияны «Энчи буйрукъла толтургъан Буз Аппа» ведомстволу акция андан ары барады. Аны чеклеринде «Вершина» къауумну къуллукъчулары Прохладныйде сабийле тургъан интернатда къанакъда болгъандыла. 

КъМР-ни прокуратурасы Нальчикни санаторийлеринден биринде тургъан сабийле саулукъ сакълау учреждениягъа тюшгенлерини сылтауун ачыкълауну кесини къараууна алгъанды.

Сармысахны багъыу жаны бла хайырлылыгъын билмеген адам хазна табылсын. Россейли алимле бир къауум тинтиулени бардыргъандан сора быллай оюмларын билдиргендиле: жангы сарымсах аны къурутулгъан эм ашарыкъгъа къошулгъан тюрлюлеринден эсе кёп да хайырлыды. Жюрекге уа бу битимни жаланда жаш заманында хайырланылгъаны къыйматлы болушады.