Календарь событий

КъМР-ни Башчысы Казбек Коков  республиканы Правительствосуну Председатели Мусукланы Алий бла ишчи тюбешиу бардыргъанды, аны кезиуюнде январьда толтуруллукъ борчланы юсюнден соруула сюзюлгендиле.   

Алгъаракълада КъМР-ни Жаш тёлюню ишлери жаны бла министерствосу КъМР-ни Башчысы  Казбек Коковну оноуу бла «Жаш тёлю политиканы бардыргъан КъМР-ни эм иги муниципал району» деген эришиуню къурагъанды. Анда биринчи жерни Черек район алып, 1,5 миллион сом сертификатха тийишли болгъанды.  Черек районну администрациясында жаш тёлю совет да «КъМР-ни эм иги муниципал районларында эм иги жаш тёлю ара» эришиуде экинчи жерни да алгъандыла.  

Къазанда БРИКС-ге кирген къыралланы халкъла аралы оюнлары бардырылгъандыла, анда эркин тутушуудан эришиуледе бизни республикадан гёжефле Анзор Закуев бла Шауаланы Малик кеслерини ауурлулукъларында алтын майдалланы алгъандыла. Ары дери да ала Сколковода Россейни Олимпиаданы аллында чемпионатындан биринчи эм экинчи жерле бла къайтхан эдиле. Боксчуланы жаш къаууму  да Россейни биринчилигинде аслам майдал бла къууандыргъандыла. Ала бла Къабарты-Малкъарны Спорт министерствосунда тюбешиу болгъанды.