Календарь событий

Кёп болмай Къабарты-Малкъар къырал университетни менеджмент, туризм эм къонакъбайлыкъны  къурау институтуну преподавательлери Байсолтанланы Лейля, Станислав Кущев, Елена Анищенко башхала бла бирге  3,178 метр бийикликде болгъан  Акъ-Топуракъ къышлыкъда  «География диктантха»  къатышхандыла. Кийик табийгъатда баргъан сейир проектге КъМР-ни  Парламентини Председателини орунбасары Жанатайланы Салим да къошулгъанды. Ол жыйылгъанлагъа Чегем ауузуну  тауларыны, жерлерини атларын  айтып, билимлерин байыкъландыргъанды. 

Бёзюланы Мухамматны къызы Фатимат корректор болуп ишлеп башлагъан эди «Заман» газетде. Андан а  газетни жамауат-политика жашау бёлюмюню редакторуна, артда уа «Кабардино-Балкарская правданы» баш редакторуну орунбасарына дери ёсгенди.

Быйыл Бийчеккуланы Хаждауутну жашы Тахир бла аны къызы Альбина «Жашау жолла» деген китап жарашдыргъандыла. Аны бла окъуучуларыбызны шагъырей этебиз. 

Кёп болмай Къабарты-Малкъар къырал университетде  жаш алимлени стратегиялы  сессиялары болгъанды.  Анга  республиканы  вузларындан, институтларындан  эм илму араларындан кёпле къатышхандыла. Анда сёз жаш алимле илмугъа тартылырча эм аны даражасын ёсдюрюрча этиуню юсюнден баргъанды.  

Уста къаячы, Эверестге эки кере чыкъгъан Ёлмезланы Абдул-Халим кёп болмай къарындашлары Исмайыл, Абдурахман, Абдул-Хамит бла  Къазахстанны  Чемолган элине барып къайтхандыла. Бюгюннгю ушагъыбыз аны ол жолоучулугъуну юсюнденди. 

Бу сурат 2009 жылда Кисловодск шахарда Мызыланы Таубий «Алим Байсолтанов-легенда Балтики» деген китабын жамауатха туура этгенде алыннганды. Суратны редакциягъа Ёзденланы Исса бергенди. 

КъМР-ни халкъ жазыучусу Тёппеланы Алим кёп жылланы малкъар, къарачай элледе халкъ чыгъармачылыкъны жыйып айланнганды. Газет окъуучуларыбызны ол жыйгъан сейирлик затланы къаууму бла шагъырей этерге сюебиз.